मुंबईत १७ मे पासून १५ दिवसांसाठी जमावबंदी लागू

 

मुंबई: बृहन्मुंबईमध्ये १७ मे २०२५ पासून १५ दिवसांसाठी जमावबंदी लागू करण्यात आली आहे. पोलीस उपायुक्त (अभियान), अकबर पठाण यांनी सार्वजनिक शांतता आणि सुव्यवस्था राखण्यासाठी हा आदेश जारी केला आहे. या आदेशानुसार, शहरात पाच किंवा अधिक व्यक्तींच्या एकत्र येण्यास आणि मिरवणुका काढण्यास प्रतिबंध असेल.

मिळालेल्या माहितीनुसार, शांतता आणि सार्वजनिक सुव्यवस्था बिघडण्याची शक्यता आहे, ज्यामुळे जीवित आणि मालमत्तेचे नुकसान होऊ शकते. त्यामुळे पोलिसांनी प्रतिबंधात्मक उपाययोजना म्हणून हे पाऊल उचलले आहे.

या आदेशात विवाह समारंभांना, अंत्यसंस्कार विधींना, कंपन्यांच्या बैठकांना आणि इतर काही विशिष्ट कार्यक्रमांना सूट देण्यात आली आहे. आदेशाचे उल्लंघन करणाऱ्यांवर कायदेशीर कारवाई केली जाईल, असेही स्पष्ट करण्यात आले आहे. 

-------------------------------------------------

#मुंबई 

#जमावबंदी 

#कलम१४४ 

#पोलिस 

#सुरक्षा 

#आदेश 

#Mumbai 

#Curfew 

#Section144 

#Police 

#Security 

#Order