नारायणगाव, दि. २३: जुन्नर तालुक्यातील नारायणगाव येथे पोलिसांनी केलेल्या कारवाईत गांजा विक्रीसाठी बाळगल्याप्रकरणी एका व्यक्तीला अटक केली आहे. त्याच्याकडून २ लाख ५४ हजार ३०० रुपये किंमतीचा ५.०८६ किलो ग्रॅम वजनाचा गांजा जप्त करण्यात आला आहे.
पोलिसांनी दिलेल्या माहितीनुसार, आरोपी बारकु म्हातारबा कानडे (वय ३७, धंदा ड्रायव्हर, रा. कोल्हे मळा, नारायणगाव, ता. जुन्नर, मूळगाव- कन्हेर पोखरी, ता. पारनेर, जि. अहमदनगर) याला पोलिसांनी ताब्यात घेतले. त्याच्याकडून बेकायदेशीरपणे विक्री करण्याच्या उद्देशाने गांजा बाळगलेला आढळला.
याप्रकरणी नारायणगाव पोलीस ठाण्यात अंमली पदार्थ विरोधी कायद्यान्वये गुन्हा दाखल करण्यात आला आहे. पोलीस हवालदार काळे या प्रकरणाचा पुढील तपास करत आहेत. आरोपीला अटक करण्यात आली आहे.
-----------------------------------------------------------------------
#NarayangaonCrime #DrugSeizure #CannabisSmuggling #PunePolice #Arrested
Reviewed by ANN news network
on
५/२३/२०२५ ०३:१४:०० PM
Rating:
कोणत्याही टिप्पण्‍या नाहीत: