रहाटणी, सोनातारातील दवाखाना व तालीम यांची पुनर्बांधणीसाठी करा : नाना काटे

पिंपरी, दि. २१ मे २०२५: पिंपरी चिंचवड मधील रहाटणी, सोनातारा येथील जुना दवाखाना आणि तालीम यांची पुनर्बांधणीसाठी करा अशी मागणी पालिकेतील माजी विरोधीपक्षनेता नाना काटे यांनी केली आहे.

काटे यांनी महापौरपालिकेच्या आयुक्तांना याबाबत पत्र पाठवून निवेदन सादर केले आहे. त्यांच्या म्हणण्यानुसार, प्रभाग क्र. २८ रहाटणी येथील सोनातारा परिसरात सध्या नागरिकांसाठी असलेला दवाखाना अपुरा पडत असून, तो खूप जुना झाला आहे. दवाखान्यात जागाही अपुरी पडत आहे, ज्यामुळे नागरिकांना वैद्यकीय सेवा मिळण्यास अडचणी येत आहेत.

पत्रात नमूद केल्यानुसार, सोनातारा भागात अनेक कंपन्या, कबड्डी व विविध खेळांचे खेळाडू आहेत. त्यांच्या व्यायामासाठी महापालिकेने बांधलेली तालीम व जिम जीर्ण झाली असून, तिची वारंवार दुरुस्ती व डागडुजी करूनही ती मोडकळीस आली आहे. या परिस्थितीत एक नवीन व्यायामशाळा बांधणे आवश्यक आहे.

काटे यांनी आयुक्तांकडे या दोन्ही सुविधा पुन्हा स्थापित करण्याची आणि नागरिकांसाठी स्ट्रक्चरल ऑडिट करून नवीन आधुनिक सोयी-सुविधायुक्त दवाखाना व तालीम बांधण्याची विनंती केली आहे.