शंकर जगताप लाखाच्या मताधिक्याने विजयी होणार; थेरगावकरांचा विश्वास

 

अश्विनी जगताप यांच्या प्रचार दौऱ्यास थेरगावकरांचा उत्स्फूर्त प्रतिसाद

चिंचवड – लोकनेते स्व. लक्ष्मणभाऊ यांच्या पुढाकारातून चिंचवडच्या 'न भूतो न भविष्यती' अशा विकासाचा पाया रचला गेला होता. त्याच व्हिजनचा वारसा घेत, थेरगाव मतदारसंघातील प्रचार दौऱ्यात आमदार अश्विनी जगताप यांनी नागरिकांना संबोधित केले. त्यांनी म्हटले की, "शंकर जगताप हे लक्ष्मणभाऊ यांच्या प्रमाणेच स्मार्ट व्हिजन असणारे नेतृत्व आहे. त्यांच्या नेतृत्वावर विश्वास ठेवून आपल्या विधानसभेच्या विकासासाठी त्यांना विधानसभेत पाठवावे."

चिंचवड विधानसभा मतदारसंघात भाजप-शिवसेना-राष्ट्रवादी काँग्रेस-रिपाइं (आठवले) महायुतीचे अधिकृत उमेदवार म्हणून शंकर जगताप यांचे नाव निश्चित झाले आहे. त्यांच्या प्रचारार्थ थेरगाव येथील ग्रामस्थ आणि नागरिकांच्या गाठीभेटी घेऊन अश्विनी जगताप यांनी संवाद साधला.

प्रचार दौऱ्याला माजी उपमहापौर झामाताई बारणे, माजी नगरसेविका निर्मला कुटे, माजी नगरसेविका आरती चोंधे, भारती विनोदे, करिष्मा बारणे, सनी बारणे यांच्यासह अनेक महायुतीच्या पदाधिकारी आणि कार्यकर्त्या उपस्थित होत्या.

महायुती सरकारने महिला आणि नागरिकांसाठी अनेक विधायक निर्णय घेतले आहेत. मुख्यमंत्री लाडके बहीण योजनेद्वारे महिलांसाठी मदतीचा हात दिला आहे, तसेच शेतकरी बांधव, युवा तरुण आणि ज्येष्ठ नागरिकांकरिता विविध योजना सरकारतर्फे आणल्या आहेत. या सर्व गोष्टींमुळे थेरगाव परिसरातील मतदारांनी शंकर जगताप यांना लाखाच्या मताधिक्याने विजयी करण्याचा निर्धार व्यक्त केला.

ग्रामस्थांनी विकासाबाबतच्या अपेक्षा व्यक्त केल्या, त्याला प्रतिसाद देत अश्विनी जगताप यांनी 'परिसराच्या अधिक वेगाने विकासासाठी शंकर जगताप यांना भरघोस मतदान करा' असे आवाहन केले. नागरिकांना विकासाच्या प्रक्रियेचा भागीदार बनविण्याचे आश्वासनही त्यांनी दिले. स्थानिक पातळीवर झालेल्या चर्चेमुळे थेरगाव परिसराने महायुतीला पाठिंबा देण्याचा निर्धार केला आहे, ज्यामुळे परिसराला नव्या दिशेने प्रगतीची संधी मिळणार आहे, असा विश्वास नागरिकांनी व्यक्त केला.

"आमचे आणि थेरगावकरांचे जुने ऋणानुबंध आहेत, जे आम्ही कायम जोपासले आहेत. यापूर्वीही थेरगावच्या ग्रामस्थांनी स्व. लक्ष्मणभाऊ असतील किंवा मी असेल, आमच्यावर विश्वास ठेवून मतदान केले आहे. हाच विश्वास महायुतीचे उमेदवार शंकर जगताप यांच्यावर ठेवून त्यांना विधानसभेत पाठवावे, म्हणजे आपल्या थेरगावच्या आणि चिंचवड विधानसभा मतदारसंघाच्या स्मार्ट विकासाला चालना मिळेल."

- अश्विनी लक्ष्मण जगताप, आमदार