चिंचवड मतदारसंघातील प्रमुख समस्या सोडवण्याचे शंकर जगताप यांचे आश्वासन

पाणी, वाहतूक आणि नदीप्रदूषण समस्यांवर लक्ष केंद्रित करणार - जगताप

चिंचवड (प्रतिनिधी) - चिंचवड विधानसभा मतदारसंघातील पिण्याचे पाणी, वाहतूक कोंडी आणि नदी प्रदूषण या प्रमुख समस्या प्राधान्याने सोडवण्याचे आश्वासन महायुतीचे उमेदवार शंकर जगताप यांनी दिले आहे.

चिंचवडगाव येथे झालेल्या प्रचार दौऱ्यात जगताप यांचे घोडागाडीतून भव्य स्वागत करण्यात आले. यावेळी त्यांनी पवना नदी, भामा आसखेड आणि आंद्रा धरणातून पाणी पुरवठा, मेट्रो-रिंगरोडद्वारे वाहतूक सुविधा आणि नदी सुधार प्रकल्पांवर भर देण्याचे सांगितले.

चिंचवडगावातील विविध भागांमध्ये फिरताना जगताप यांनी स्थानिक रहिवाशांशी संवाद साधला. यावेळी अनेक सार्वजनिक मंडळे आणि सामाजिक संघटनांनी त्यांना जाहीर पाठिंबा दिला.

"स्व. लक्ष्मण जगताप यांच्या विकासाच्या वारसाला पुढे नेत, मतदारसंघातील प्रलंबित प्रश्न सोडवण्यासाठी राज्य शासनाकडे पाठपुरावा करणार," असे जगताप यांनी सांगितले.

कार्यक्रमाला राष्ट्रवादीचे ज्येष्ठ नेते हनुमंत गावडे, माजी महापौर अपर्णा डोके, माजी उपमहापौर सचिन चिंचवडे यांच्यासह अनेक मान्यवर उपस्थित होते.