भारतीय विद्या भवनमध्ये १५ नोव्हेंबर रोजी 'आदीअष्टकम' नृत्य कार्यक्रम

 

भारतीय विद्या भवन,इन्फोसिस फाऊंडेशनच्या सांस्कृतिक प्रसार कार्यक्रमांतर्गत आयोजन

पुणे : भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत 'आदी अष्टकम' या आदी शंकराचार्यांच्या रचनांवर आधारित ओडिसी नृत्य सादरीकरण कार्यक्रम पुण्यात आयोजित केला आहे.हा कार्यक्रम डॉ.उषा आर.के.(मास्को ) प्रस्तुत करणार आहेत.शुक्रवार,दि.१५ नोव्हेंबर २०२४ रोजी सायंकाळी ६.१५ वाजता भारतीय विद्या भवन (सेनापती बापट रस्ता) सभागृहात होणार आहे.

सहाना मारिया,नम्रता मेहता,सौरव मोहंती,रसिका गुमास्ते,मधुलिता मोहपात्रा हे देशभरातील नामवंत ओडीसी नृत्य कलाकार या सादरीकरणात सहभागी होणार आहेत.हा कार्यक्रम विनामूल्य असून भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत होणारा २२९ वा कार्यक्रम असल्याची माहिती भारतीय विद्या भवनचे सचिव प्रा.नंदकुमार काकिर्डे यांनी दिली.