काळेवाडीत शंकर जगतापांचे जोरदार शक्तिप्रदर्शन

 

"काळेवाडीला विकासाचा आयकॉन बनवणार" - शंकर जगताप

चिंचवड (प्रतिनिधी): महायुतीचे अधिकृत उमेदवार शंकर जगताप यांच्या काळेवाडी येथील प्रचार दौऱ्यात नागरिकांच्या उपस्थितीने गर्दीचा उच्चांक नोंदवला गेला. या प्रचंड प्रतिसादामुळे विजय निश्चित असल्याचा विश्वास कार्यकर्त्यांनी व्यक्त केला.

काळेवाडी गावठाण येथून सुरू झालेली पदयात्रा ज्योतिबा नगर, शंभर खोली, पंचनाथ कॉलनी, उंदर्या गणपती चौक मार्गे पवना नगरपर्यंत फिरली. मार्गात महिलांनी जगताप यांचे औक्षण केले तर फटाक्यांची आतिषबाजी आणि ढोल-ताशांच्या गजरात त्यांचे स्वागत करण्यात आले.

"स्व. लक्ष्मणभाऊ आणि अश्विनीताई यांच्या काळात सुरू झालेल्या प्रलंबित विकासकामांना गती देण्यास प्राधान्य देऊन पुढील दोन वर्षांत काळेवाडीला विकासाचा आयकॉन बनवणार," असे आश्वासन जगताप यांनी दिले.

राष्ट्रवादीचे नेते हनुमंत गावडे, माजी नगरसेवक मोरेश्वर भोंडवे, माजी विरोधी पक्षनेते नाना काटे यांच्यासह अनेक पदाधिकारी व कार्यकर्ते उपस्थित होते.