महायुतीच्या विजयाचा विश्वास दुणावला - अश्विनी जगताप

 

जुनी सांगवीत अश्विनी जगतापांच्या प्रचाराला प्रचंड प्रतिसाद

चिंचवड (प्रतिनिधी): चिंचवड विधानसभा मतदारसंघात महायुतीचे उमेदवार शंकर जगताप यांच्या प्रचारार्थ आमदार अश्विनी जगताप यांनी जुनी सांगवी परिसरात केलेल्या दौऱ्याला नागरिकांचा उत्स्फूर्त प्रतिसाद मिळाला.

मधुबन सोसायटी, शितोळे नगर, पवार नगर, लक्ष्मी नगर यासह विविध भागांत झालेल्या बैठका आणि कोपरा सभांमध्ये नागरिकांनी शंकर जगताप यांना विजयी करण्याचा निर्धार व्यक्त केला.

"स्व. लक्ष्मणभाऊ जगताप यांच्यामुळेच जुनी सांगवी परिसराचा कायापालट झाला. आज 'सांगवीकर' ही ओळख अभिमानाने सांगता येते," असे नागरिकांनी सांगितले.

आमदार अश्विनी जगताप म्हणाल्या, "स्व. लक्ष्मणभाऊंनी गेल्या दहा वर्षांत आमदार निधीतून अनेक विकास कामे केली. महिला सक्षमीकरण, ज्येष्ठ नागरिकांसाठी विरंगुळा केंद्रे यांसारखी जनहिताची कामे केली."

यावेळी माजी महापौर माई ढोरे, माजी नगरसेवक हर्षल ढोरे यांच्यासह महायुतीचे अनेक पदाधिकारी व कार्यकर्ते उपस्थित होते.