भारतीय विद्या भवनमध्ये २७ सप्टेंबर रोजी नृत्य आणि गायन कार्यक्रम

 

भारतीय विद्या भवन,इन्फोसिस फाऊंडेशनच्या सांस्कृतिक प्रसार कार्यक्रमांतर्गत आयोजन

पुणेः भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत नृत्य आणि गायन कार्यक्रमाचे आयोजन करण्यात आले आहे. इंडियन कॉऊन्सिल फॉर कल्चरल रिलेशन्स(पुणे विभागीय कार्यालय ) यांच्यावतीने हा कार्यक्रम प्रस्तुत करण्यात येणार आहे. शुक्रवार,दि. २७ सप्टेंबर २०२४ रोजी सायंकाळी साडेपाच वाजता भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे हा कार्यक्रम होणार आहे.डॉ.अर्चना सहकारी या भारतीय शास्त्रीय गायन सादर करणार आहेत तर मौमिता वत्स-घोष या ओडिसी नृत्य सादर करणार आहेत. ‘भारतीय विद्या भवन’चे मानद सचिव प्रा.नंदकुमार काकिर्डे यांनी पत्रकाद्वारे ही माहिती दिली. हा कार्यक्रम विनामूल्य आहे. भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा २२३ वा कार्यक्रम आहे .