पुणे इसिस मॉड्यूलशी संबंधित 'मोस्ट वॉन्टेड' दहशतवादी अटकेत

 

पुणे: दिल्ली पोलिसांना इसिसशी संबंधित एक अत्यंत मोस्ट वॉन्टेड दहशतवादी रिझवान अब्दुलला अटक करण्यात मोठे यश मिळाले आहे. राष्ट्रीय तपास संस्थेच्या (NIA) मोस्ट वॉन्टेड यादीत असलेल्या रिझवानवर तीन लाख रुपयांचे बक्षीस ठेवण्यात आले होते. रिझवान हा पुण्यातील ISIS मॉड्यूलशी संबंधित असल्याचे समोर आले आहे आणि त्याच्यावर अनेक दहशतवादी कारवायांमध्ये सहभाग असल्याचा आरोप आहे.

शुक्रवारी पहाटे दिल्ली-फरिदाबाद सीमेवर रिझवानला शस्त्रांसह अटक करण्यात आली. त्याच्या अटकेनंतर, UAPA अंतर्गत एफआयआर नोंदवण्यात आले असून त्याचे नेटवर्क नष्ट करण्यासाठी छापे टाकले जात आहेत. रिझवान सोबतच अन्य दोन दहशतवादी मोस्ट वॉन्टेड यादीत होते. यातील एक, शाहनवाज, गेल्या वर्षी सप्टेंबरमध्ये अटक करण्यात आला होता, तर दुसरा दहशतवादी अब्दुल्ला उर्फ ​​डायपरवाला अद्याप फरार आहे.

ISIS module terrorist identified as Rizwan Ali has been arrested. NIA had declared a bounty of Rs 3 lakh on him. Rizwan is a resident of Daryaganj, Delhi: Special Cell, Delhi Police pic.twitter.com/YkFpHRLK5S

— ANI (@ANI) August 9, 2024

15 ऑगस्टपूर्वी मोठे यश:
स्वातंत्र्यदिनाच्या अगोदर, दिल्ली पोलिसांच्या स्पेशल सेलने मिळवलेल्या या मोठ्या यशाने इसिसच्या दहशतवादी कारवायांवर मोठा आघात केला आहे. रिझवान हा दिल्लीतील दर्यागंजचा रहिवासी असून, तो पुण्यातील ISIS मॉड्यूलशी संबंधित होता. पुण्यातील पोलिसांच्या हातून पळून गेल्यानंतर तो लपलेला होता.

एनआयएच्या मोस्ट वॉन्टेड यादीत रिझवानचा समावेश:
एनआयएने दाखल केलेल्या पुरवणी आरोपपत्रात रिझवानसह अन्य तीन आरोपींचा समावेश होता. पुण्यातील ISIS मॉड्यूल प्रकरणात एकूण 11 आरोपींवर आरोप ठेवण्यात आले आहेत. हे प्रकरण पुण्यातील ISIS शी संबंधित शस्त्र, स्फोटके, रसायने आणि अन्य साहित्य जप्त करण्याशी संबंधित आहे.

रिझवानची अटक ही दिल्ली पोलिसांसाठी मोठी उपलब्धी मानली जात आहे, ज्यामुळे इसिसच्या कारवायांवर अधिक लक्ष केंद्रित करण्याची गरज अधोरेखित झाली आहे.