पिंपरी : पिंपरी चिंचवड शहरातील भीमसृष्टी, पिंपरी येथे भारताच्या ७८ व्या स्वातंत्र्यदिनाचे औचित्य साधून एक विशेष कार्यक्रम आयोजित करण्यात आला. या कार्यक्रमात सामाजिक कार्यकर्ते मारुती भापकर यांचा विशेष सत्कार करण्यात आला.
कार्यक्रमाचे आयोजन DIFT फाऊंडेशन, डिफेन्स फोर्स लीग, डॉ. बाबासाहेब आंबेडकर स्मारक समिती, बौद्ध समाज विकास महासंघ, रयत विद्यार्थी विचार मंच, बुद्ध लेण्या मुक्ती आंदोलन समिती, अशोका बहुउद्देशीय संस्था आणि समता सैनिक दल यांच्या संयुक्त विद्यमाने करण्यात आले होते.
कार्यक्रमाच्या सुरुवातीला, डिफेन्स फोर्स लीगच्या माजी सैन्य अधिकाऱ्यांच्या उपस्थितीत ध्वजारोहण करण्यात आले. त्यानंतर, मारुती भापकर यांच्या हस्ते अमर जवान स्मारकावर पुष्पचक्र अर्पण करून शहीद जवानांना श्रद्धांजली वाहण्यात आली.
कार्यक्रमाच्या मुख्य भागात, सुभेदार कृष्णा काटेकर, डिफेन्स फोर्स लीगचे पैरा विंग अध्यक्ष कमांडो रघुनाथ सावंत आणि DFL चे संचालक राजेंद्र जाधव यांच्या हस्ते मारुती भापकर यांना स्मृतिचिन्ह देऊन सन्मानित करण्यात आले.
या कार्यक्रमाच्या यशस्वी आयोजनासाठी राजेंद्र जाधव, राजू भालेराव, मनोज गजभार यांच्यासह अनेक कार्यकर्त्यांनी मोलाचे योगदान दिले.
भारतरत्न डॉ. बाबासाहेब आंबेडकर स्मारक भीमसृष्टी, पिंपरी हे शहराच्या मध्यवर्ती भागात असल्याने या कार्यक्रमाला मोठ्या संख्येने नागरिकांनी हजेरी लावली. स्वातंत्र्यदिनाच्या निमित्ताने आयोजित या कार्यक्रमाने देशप्रेम आणि सामाजिक एकता यांचा संदेश दिला.
Reviewed by ANN news network
on
८/२१/२०२४ ०८:३०:०० AM
Rating:
कोणत्याही टिप्पण्या नाहीत: