हवामानाचा अंदाज : पुणे जिल्ह्यात ११ जूनपर्यंत 'यलो अलर्ट'

वादळी पाऊस, विजेच्या कडकडाटासह जोरदार पर्जन्यवृष्टीचा इशारा

पुणे : भारतीय हवामान खात्याने पुणे जिल्ह्यासाठी आज ७ जून ते ११ जूनपर्यंत 'यलो अलर्ट' जारी केला आहे.या कालावधीत जोरदार पावसाची शक्यता वर्तविली आहे.

दि. ७ ते १० जूनपर्यंत पुणे जिल्ह्यात विजेचा कडकडाट, जोरदार पाऊस आणि वादळी वारे यांचा अंदाज वर्तविण्यात आला असून वादळी वार्‍यांचा वेग ताशी ५० ते ६० किलोमीटर पर्यंत जाण्याची शक्यता हवामानखात्याच्या प्रसिद्धीपत्रकात वर्तविण्यात आली आहे. तर, ११ जून रोजी जोरदार पर्यन्यवृष्टी होण्याचा अंदाज वर्तविला आहे. नागरिकांनी घराबाहेर पडतान काळजी घ्यावी. विजांचा कडकडाट सुरू असताना शेतात काम करणे शक्यतो टाळावे असे आवाहन करण्यात आले आहे.