तंत्रज्ञान दिनाच्या निमित्ताने १२ मे रोजी दापोलीत सायकल फेरी

 

दापोली : देशभर राष्ट्रीय तंत्रज्ञान दिवस ११ मे रोजी साजरा केला जातो. विज्ञान आणि तंत्रज्ञान क्षेत्रात भारताचे योगदान आणि या क्षेत्रात भारताने केलेल्या अतुलनीय कामगिरीची साक्ष देणारा हा दिवस आहे. या निमित्ताने दापोली सायकलिंग क्लबतर्फे रविवारी, १२ मे २०२४ रोजी सायकल फेरीचे आयोजन करण्यात आले आहे. या सायकल फेरी दरम्यान वळणे एमआयडीसी येथील काही कंपन्यांना भेट देऊन तिथे वापरल्या जाणाऱ्या तंत्रज्ञानाची माहिती करुन घेण्यात येईल.

ही सायकल फेरी आझाद मैदान दापोली येथून सकाळी ७ वाजता सुरु होईल. ती उदयनगर- वडाचा कोंड- जालगाव बाजारपेठ मार्गे वळणे एमआयडीसी येथे जाईल. तिथे असणाऱ्या अरुणश्री फार्म फूड, त्रिमूर्ती प्लास्टिक, बालाजी पावडर कोटिंग, अजरालय ऍग्रो इंडस्ट्रीज, ओरा ग्लास फायबर, सुरुची फूड्स आणि आईस्क्रिम, कोकण फळप्रक्रिया काजू फॅक्टरी इत्यादी कंपन्यांना भेट देऊन तिथे घेतले जाणारे उत्पादन, बनणारे पदार्थ आणि त्यासाठी वापरले जाणारे तंत्रज्ञान याबद्दल माहिती करुन घेतली जाईल. सायकल फेरीचा समारोप आझाद मैदानात सकाळी ९:३० वाजता होईल.

या सायकल फेरीसाठी कोणतेही प्रवेश शुल्क नाही. सर्व वयोगटातील सायकल प्रेमी सहभागी होऊ शकतात. अधिक माहितीसाठी संपर्क नंबर ८६५५८७४४८६, ९०२८७४१५९५ हे आहेत. सायकल संस्कृती वाढावी व सायकल बद्दल आवड निर्माण व्हावी या हेतूने दापोली सायकलिंग क्लबतर्फे विनामूल्यपणे सायकल विषयक अनेक उपक्रम राबवले जातात. सर्वांनी यामध्ये सहकुटुंब, सहपरिवार सहभागी व्हा आणि आपल्या दैनंदिन जीवनात सायकलचा अधिक वापर करा असे आवाहन आयोजकांनी केले आहे.