विठ्ठल ममताबादे
उरण : मावळ लोकसभा मतदार संघाची निवडणूक १३ मे रोजी २०२४ आहे . यात पूणे जिल्हा व रायगड जिल्हयातील तालुक्यांचा समावेश आहे.निवडणूकीची तारीख जवळ आल्याने दिवसेंदिवस राजकीय वातावरण अधिकच तापू लागले आहे. त्यातच मावळ लोकसभा मतदार संघातील उरण तालुक्यातील चाणजे ग्रामपंचायत हद्दीतील कोंढरीपाडा येथील ग्रामस्थांनी आपल्या आराध्य ग्रामदैवत श्री हनुमंताच्या मुर्तीची विटंबना करणाऱ्या समाजकंटकाला शासन होत नसल्याने लोकसभा व विधानसभेच्या निवडणूकीवर बहिष्कार टाकण्याचा एकमुखी निर्णय घेतला आहे. तसे निवेदन प्रशासन आणि निवडणूक यंत्रणेला देण्यात आले आहे.
मागील गेल्या एक वर्षापासून आगरी कोंढरी ग्रामस्थ हे गावातील ग्रामदैवत श्री हनुमंताच्या मुर्तीची विटंबना करणाऱ्या समाजकंटकाला त्याने केलेल्या गैरकृत्याबद्धल त्याला शासन व्हावे यासाठी अहोरात्र मेहनत घेत आहेत परंतु काही शासकीय आणि राजकीय हस्तक्षेपामुळे गुन्हेगार हा गावात मोकाट फिरत आहे.आगरी कोंढरी पाड्यात असणाऱ्या श्री हनुमंताच्या मुर्तीची विटंबना हि दिनांक ६ मे २०२३ रोजी गावात राहणाऱ्या समाजकंटकाने केली होती. या बाबत उरण येथील पोलिसठाण्यात रितसर एफआयआर देखील नोंदविण्यात आला आहे. परंतु राजकीय हस्तक्षेपामुळे गुन्हेगारावर कोणतीही कारवाई न होता न्याय मिळण्यास दिरंगाई होत असल्याने सर्व ग्रामस्थांनी येणाऱ्या लोकसभा आणि विधानसभा निवडणुकींवर बहिष्कार टाकण्याचा एकमताने निर्णय घेतला आहे.
कोंढरीपाडा ग्रामस्थांचा लोकसभा, विधानसभा निवडणुकीवर बहिष्कार
Reviewed by ANN news network
on
५/१०/२०२४ ०७:४८:०० PM
Rating:

कोणत्याही टिप्पण्या नाहीत: