८ कोटी ४ लाख रुपयांच्या परदेशी महागड्या सिगारेट्स जप्त; डीआरआयची कामगिरी

 

मुंबई : महसूल गुप्तचर संचालनालयाने परदेशातून महागड्या सिगारेटसची तस्करी करणार्‍या एका रॅकेटचा पर्दाफाश करत मोठ्या प्रमाणात महागड्या सिगारेट्सचा साठा जप्त केला आहे. या रॅकेटच्या सूत्रधारालाही अटक करण्यात आली आहे.

 महसूल गुप्तचर संचालनालयाला मुंबई, नवी मुंबई परिसरात मोठ्या प्रमाणावर सिगारेट्सची तस्करी सुरू असल्याची माहिती मिळाली. त्यानंतर संचालनालयाच्या मुंबई झोनल युनिटने योजनाबद्धरित्या एकाचवेळी अनेक ठिकाणी झडतीसत्र राबवत ५४.६४ लाख सिगारेट्स जप्त केल्या. यांची एकूण किंमत ८ कोटी ४ लाख रुपये इतकी आहे.

या कारवाईत या रॅकेटचा सूत्रधार आणि त्याचा साथीदार हे दोघेही पकडले गेले असून त्यांना सीमाशुल्क कायदा १९६२ मधील तरतुदीं अन्वये अटक करण्यात आली आहे.