आढावा बैठकीत शिक्षक बेशुद्ध, सोयगावातील खळबळजनक घटना

 

दिलीप शिंदे 

सोयगाव :   तालुकास्तरीय शाळा पूर्व तयारी मेळाव्यात शिक्षक खुर्चीवर बेशुद्ध होऊन अत्यवस्थ झाल्याची घटना दि.१३ शनिवारी सोयगाव येथे तालुकास्तरीय शाळा पूर्व मेळाव्यात घडली या घटनेमुळे शिक्षण विभागात खळबळ उडाली आहे.

विलास वालदे(वय ४७) प्राथमिक शाळा जरंडी असे बेशुद्ध शिक्षकांचे नाव आहे सदर शिक्षक दुपारी एक वाजता या मेळाव्यासाठी सोयगावला हजर झाले परंतु त्यांना अचानक खुर्चीवर बसलेले असताना भोवळ आली व ते खाली पडले मेळाव्यातील शिक्षकांनी त्यांना तातडीने उपचारासाठी सोयगाव च्या ग्रामीण रुग्णालयात दाखल करून पुढील उपचारासाठी त्यांना जळगावच्या खासगी रुग्णालयात दाखल करण्यात आले आहे. 

दरम्यान सोयगावसह परिसरात अवकाळीच्या पावसाने उघडीप देताच पुन्हा सूर्य आग ओकू लागला असून सोयगावचा पारा शनिवारी ४१ अंशावर होता रविवारी ही तापमान कायम राहिले असल्याची स्थिती सोयगाव तालुक्यात आहे दरम्यान आगामी शैक्षणिक वर्षासाठी प्रवेश प्रक्रिया राबविण्यासाठी शनिवारी सोयगाव गटशिक्षणाधिकारी कार्यालयाच्या वतीने तालुका स्तरीय मेळावा आयोजित करण्यात आला होता या मेळाव्यात केंद्रनिहाय दोन शिक्षक निमंत्रित होते यामध्ये केंद्रीय प्राथमिक शाळेचे शिक्षक विलास वालदे हे दुपारी हजर झाले असतांना त्यांना अचानक चक्कर येऊन ते मेळाव्यात बेशुद्ध झाले होते शासनाने शिक्षकांच्या आरोग्याच्या दृष्टीने कोणतेही पाऊल उचलले नसून निवडणुकीसह सर्वच कामांचा ताण शिक्षकांवर आहे त्यामुळे शिक्षकांच्या आरोग्यात अडचणी निर्माण होत आहे याकडे शासनाने लक्ष घालावे अशी मागणी होत आहे दरम्यान जळगावच्या खासगी रुग्णालयात उपचार घेत असलेल्या त्या शिक्षकाला उष्माघातामुळेच त्रास झाल्याचे खासगी वैद्यकीय सूत्रांनी सांगितले असून सध्या त्यांची प्रकृती स्थिर आहे .