कुख्यात डॉन दाऊदची खेड मधील मुंबके येथील जागा सरकारकडून घेतलेल्या भुपेंद्र कुमार भारद्वाज यांना धमक्या

 

जागेत होम हवन करण्यासाठी गेले असता साहित्याची झाली चोरी 

खेड :  कुख्यात अंडरवर्ल्ड डॉन दाऊद इब्राहिमची रत्नागिरी जिल्ह्यातील मालमत्ता सरकारी लिलावात घेतलेल्या वकील भूपेंद्रकुमार भारद्वाज यांना धमक्या दिल्या जात असून त्याजागी त्यांनी होमहवनासाठी ठेवलेल्या साहित्याचीही चोरी झाली आहे. भारद्वाज यांनी या प्रकरणी भारद्वाज यांनी खेड पोलीस ठाण्यात तक्रार दिली आहे त्यावरून 26 मार्च 2024 रोजी खेड पोलीस ठाण्यामध्ये अज्ञात व्यक्ती विरोधात भा.दं.वि. कलम 379,451,427,506 अन्वये गुन्हा दाखल करण्यात आला आहे.

दाऊद इब्राहिम कासकर याची रत्नागिरी जिल्ह्यातल्या खेड मधील मुंबके या मूळ गावातील मालमत्ता दिल्ली उच्च न्यायालयाचे वकील भूपेंद्र कुमार भारद्वाज यांनी साफेमा अंतर्गत झालेल्या लिलावात खरेदी केली होती त्यानंतर 23 फेब्रुवारी 2024 रोजी दाऊद इब्राहिमच्या मालमत्तेचे भारद्वाज यांच्या नावे हस्तांतरित झाले त्यानंतर त्याच दिवशी मुंबके येथे जाऊन वकील भूपेंद्र कुमार भारद्वाज यांनी सनातन धर्मानुसार होम हवन करायला सुरुवात केली त्यावेळी संध्याकाळ झाल्यामुळे त्या वस्तू त्याच ठिकाणी ठेवल्या होत्या मात्र दुसऱ्या दिवशी पुन्हा होम हवन करण्यासाठी त्या ठिकाणी सकाळी भारद्वाज  गेले असता त्या ठिकाणी ठेवलेले  धार्मिक पुस्तके पूजेचे साहित्य तसेच घरगुती वस्तू व सांस्कृतिक मालमत्ता चोरीला गेलेल्या दिसल्या त्यामध्ये समई हवन कुंड स्टीलचे ताटे अशाप्रकारे नऊ हजार चारशे रुपये किमतीच्या वस्तू चोरीला गेल्याची तक्रार भूपेंद्र कुमार भारद्वाज यांनी खेड पोलीस ठाण्यात दिली आहे.