२७ फेब्रुवारी रोजी पुण्यात ' कुसुमाग्रज शब्दोत्सव'

पुणे ः भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत  ' कुसुमाग्रज शब्दोत्सव'    या  कार्यक्रमाचे आयोजन करण्यात आले आहे. हा कार्यक्रम 'संवाद,पुणे' आणि  'अनन्वय 'संस्था सादर करणार आहे.मराठी भाषा दिनानिमित्त कुसुमाग्रजांच्या काव्य,नाट्य,गीत संगीत आणि साहित्याचा वेध या कार्यक्रमातून घेतला जाणार आहे. खासदार श्रीनिवास पाटील हे या कार्यक्रमाला प्रमुख पाहुणे म्हणून उपस्थित राहणार आहेत. 'अनन्वय' च्या  'कवी शब्दांचे ईश्वर' या संवादमालिकेतील कवी कुसुमाग्रज यांच्याशी साधलेल्या संवादाच्या चित्रफीतीचे लोकार्पण या कार्यक्रमात करण्यात येणार आहे . 

निर्मिती सुनील महाजन(संवाद,पुणे) यांची असून संहिता,दिग्दर्शन डॉ.माधवी वैद्य यांचे आहे.संयोजन निकिता मोघे यांचे आहे.अभिनेत्री सोनाली कुलकर्णी,धीरेश  जोशी,धनेश जोशी,डॉ,माधवी वैद्य,कियान बोरकर हे  काव्यवाचन करणार आहेत.संगीत राहुल घोरपडे यांचे असून कुमार करंदीकर ,मीनल पोंक्षे,मनीषा पवार-जोशी,राहुल घोरपडे  हे काव्य गायन करणार आहेत. त्यांना  कुमार करंदीकर(हार्मोनियम), नीलेश श्रीखंडे  (तबला), मंदार देव (सिंथेसायझर),विलास क्षीरसागर (ताल वाद्य)हे  साथसंगत करणार आहेत.  

हा कार्यक्रम मंगळवार,२७ फेब्रुवारी २०२४ रोजी सायंकाळी सहा   वाजता  भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे  होणार आहे.हा कार्यक्रम विनामूल्य आहे.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा  १९७ वा कार्यक्रम  आहे.भारतीय विद्या भवनचे मानद सचिव प्रा.नंदकुमार काकिर्डे यांनी ही माहिती दिली.