शिवसेनाप्रमुख बाळासाहेब ठाकरे यांच्या जयंती निमित्त प्राथमिक शाळा धुतूम येथे चित्रकला स्पर्धा

 

विठ्ठल ममताबादे

उरण :शिवसेनाप्रमुख बाळासाहेब ठाकरे यांच्या ९८ व्या जयंती निमित्त जि.प.प्राथमिक शाळा धुतूम येथे माजी आमदार मनोहर भोईर  यांच्या मार्गदर्शनाने शिवसेना महिला आघाडी उरण तालुका उपसंघटिका व पालघर जिल्हानिहाय वक्ता मनिषा ठाकूर व शिवसेना सोशल मीडिया समन्वयक नितिन ठाकूर ह्यांनी शालेय चित्रकला स्पर्धा  व मुलांना खाऊवाटपाचा कार्यक्रम आयोजित केला होता. 

कार्यक्रमाच्या सुरुवातीला छत्रपती शिवाजी महाराज, शिवसेनाप्रमुख बाळासाहेब ठाकरे व नेताजी सुभाषचंद्र बोस यांच्या प्रतिमेचे  पूजन करण्यात आले. यावेळी  संतोष म्हात्रे  ह्यांनी  उपस्थित मान्यवरांचे पुष्पगुच्छ देऊन स्वागत केले. नितिन ठाकूर व मुख्याध्यापक  नरेश मोकाशी  ह्यांनी  ठाकरे यांचे कार्य आजच्या पिढीला कसे प्रेरणादायी आहे हे आपल्या भाषणातून सांगितले. शिवाय धुतूम प्राथमिक शाळेतील विद्यार्थिनी सान्वी घरत हिने छत्रपती शिवाजी महाराज यांच्याबद्दल प्रेरणादायी भाषण केले.  विद्यार्थ्यांनी खूप सुंदर व मनमोहक असे चित्रे काढली. पहिली ते चौथी  व पाचवी ते सातवी असे दोन गट बनवून प्रत्येकी प्रथम-द्वितीय-तृतीय असे बक्षीस देऊन विद्यार्थ्यांचे कौतुक करण्यात आले.

ह्या वेळी जासई शिवसेना विभागप्रमुख  नारायण तांडेल, शेमटीखार अध्यक्ष विनोद ठाकूर, कावचीखार अध्यक्ष विक्रम ठाकूर , शेमटीखार उपाध्यक्षा रेश्मा ठाकूर, शालेय कमिटी अध्यक्ष करुणा घरत (माजी उपसरपंच शे.का.प.), शालेय कमिटी उपाध्यक्ष  अभय ठाकूर, शालेय कमिटी सदस्य वैशाली पाटील(माजी उपसरपंच शे.का.प.) शेकाप कार्यकर्ता संजय घरत शिवसेना धुतूम पहिले व माजी शाखाप्रमुख लक्ष्मण ठाकूर, जेष्ठ शिवसैनिक लक्ष्मण ठाकूर, के.बी.पाटील, सुरेश ठाकूर, संध्याठाकूर, रणजित ठाकूर, शुभांगी ठाकूर व तसेच रा.जि.प. प्राथमिक शाळा धुतूम शिक्षकवृंद मुख्याध्यापक नरेश मोकाशी, सहाय्य्क शिक्षक संतोष म्हात्रे, सहाय्यक शिक्षिका स्मिता म्हात्रे, सहाय्यक शिक्षिका संपदा चव्हाण, ग्रामपंचायत शिक्षिका वंदना ठाकूर व ग्रामपंचायत शिक्षिका माधुरी पाटील उपस्थित होते.