पुणे : खडकवासला मतदारसंघाचे आमदार भीमराव तापकीर यांच्या नावाने बनावट फ़ेसबुक अकाऊंट तयार करून सायबर चोरांनी अनेकांना फ्रेंड रिक्वेस्ट पाठवून पैशांची मागणी केली. एका सामाजिक कार्यकर्त्याला या अकाऊंटवरून फ्रेंड रिक्वेस्ट आली. आमदारांची फ्रेंड रिक्वेस्ट असल्याने त्याने ती स्वीकारली. त्यानंतर चा मोबाईल नंबर घेऊन, त्यांना जुने फर्निचर विकण्याबाबतची माहिती देण्यात आली. यामुळे संशय आल्याने या कार्यकर्त्याणे आमदार तापकीर यांच्याशी संपर्क साधला असता त्यांनी आपण रिक्वेस्ट पाठविली नसल्याचे त्यांनी सांगितले. त्यामुळे हा प्रकार उघड झाला.
यापूर्वी सायबरचोरांनी जिल्हाधिकारी डॉ. राजेश देशमुख आणि पिंपरी चिंचवडचे माजी पोलीस आयुक्त कृष्णप्रकाश यांच्या नावाने बनावट फ़ेसबुक खाते उघडून असाच प्रकार करत लोकांकडून पैशांची मागणी केली होती.
या प्रकरणातील सामाजिक कार्यकर्त्याने फेसबुकवरुन आलेली फ्रेंड रिक्वेस्ट स्विकारली. त्यानंतर त्यांच्याशी मेसेंजरवरून संपर्क साधण्यात आला. त्यांचा मोबाईल नंबर घेऊन, त्यांना सीआरपीएफमधील अधिकारी सुमित कुमार यांची बदली झाली आहे. त्यांच्याकडे घरगुती वापराचे जुने फर्निचर आहे. ते त्यांना विकायचे आहे. कोणाला पाहिजे असल्यास सांगा, असे सांगण्यात आलेल संबंधित सामजिक कार्यकर्त्याला या घटनेची त्यांना शंका आली. त्यानंतर त्यांनी तापकीर यांना फोन केला. त्यांना हा सगळा प्रकार सांगितला. त्यानंतर आपण फेसबुकवरुन अशी रिक्वेस्ट पाठवली नाही, असे त्यांनी स्पष्ट केल्यानंतर प्रकार उघड झाला.
Reviewed by ANN news network
on
१०/११/२०२३ १०:३०:०० AM
Rating:
कोणत्याही टिप्पण्या नाहीत: