भिगवण परिसरातून आरक्षण लढ्याच्या नियोजित सभेसाठी हजारो मराठा बांधव अंतरवाली सराटी येथे जाणार...!

 

गणेश मिंड 

भिगवण :  अंतरवाली सराटी येथे मनोज जरांगे पाटील यांना आमरण उपोषण सोडताना महाराष्ट्र राज्याचे मुख्यमंत्री माननीय एकनाथ शिंदे साहेब यांनी मराठ्यांना आरक्षण देण्यासाठी शासनाला थोडा वेळ द्यावा म्हणजे शासनाला कायद्याच्या चौकटीत बसून समाजाला आरक्षण देता येईल असे आवाहन केले होते. त्याला  प्रतिसाद म्हणून जरांगे पाटील यांनी शासनाला चाळीस दिवसाची मुदत दिलेली होतीे. ही ४० दिवसाची मुदत संपण्यापूर्वी १४ ऑक्टोबर रोजी अंतरवाली सराटी येथे विराट मराठा संवाद सभा मराठा समाजाच्या वतीने आयोजित केली आहे. या सभेला भिगवण परिसरातून हजारो बांधव सदर जाणार आहेत त्याबाबत सकल मराठा समाजाच्या वतीने राजेगाव येथे नियोजनाच्या बैठकीचे आयोजन केले होते. 

बैठकीमध्ये राजेगाव परिसरातील अनेक तरुण सहकाऱ्यांची अखिल भारतीय मराठा महासंघाचे पदाधिकारी म्हणून नियुक्ती करण्यात आली;  बैठकीमध्ये अण्णासाहेब पाटील आर्थिक विकास महामंडळाच्या विविध योजनांबाबतही माहिती परिसरातील नागरिकांना देण्यात आली. सदर योजना तळागाळातील मराठा समाजापर्यंत पोहोचवण्यासाठी बारामती सहकारी बँक नेहमी मदत करत असल्याचे अनेक मान्यवरांनी व्यक्त केले. .

या मिटिंगसाठी जिल्हाध्यक्ष ॲड.पांडुरंग जगताप, तालुका अध्यक्ष राजकुमार मस्कर, भिगवण शाखाध्यक्ष छगन वाळके , नवनियुक्त जिल्हा उपाध्यक्ष भारत खराडे , बारामती बँकेचे अभिषेक ढवान ,राजेगाव शाखाध्यक्ष मनोज भोसले, खानवटे शाखा अध्यक्ष दत्तात्रय शेळके , गोविंद कडू , अर्जुन मिंढे व अमोल मोरे ,चंद्रकांत मोरे, शहाजी गुणवरे, सचिन मोरे  इत्यादी मान्यवर उपस्थित होते.