वास्तू रचनाकाराने आधुनिक तंत्रज्ञान आत्मसात करावे : वासवी मुळे

 

एस. बी. पाटील आर्किटेक्चर कॉलेजमध्ये विद्यार्थ्यांचा स्वागत समारंभ

पिंपरी :  वास्तू रचनाकाराने काम करताना मुक्त विचार करत नवनवीन प्रयोग, आधुनिक तंत्रज्ञान आत्मसात केले पाहिजे. त्यासाठी अभ्यासाबरोबरच परिश्रम, उत्तम आरोग्यासाठी आनंदी वृत्ती, उत्साही राहिले पाहिजे. तरच आपल्या क्षेत्रात यशस्वी वाटचाल करता येईल असे तुळजा डिझाईन्सच्या संचालक आर्किटेक्ट वासवी मुळे यांनी विद्यार्थ्यांना मार्गदर्शन करताना सांगितले. 

  पीसीईटीच्या एस. बी. पाटील कॉलेज ऑफ आर्किटेक्चर ॲण्ड डिझाइन महाविद्यालयामध्ये प्रथम वर्षासाठी प्रवेश घेतलेल्या विद्यार्थ्यांचा स्वागत समारंभ गुरुवारी (दि. ०५) आयोजित करण्यात आला होता. यावेळी प्राचार्य डॉ. महेंद्र सोनवणे, अकॅडमिक डीन प्रियांका लोखंडे, प्रा. शिरीष मोरे, प्रा. शिल्पा पाटील आदी उपस्थित होते. या कार्यक्रमामध्ये आर्किटेक्ट पार्थ भावे व विद्यार्थिनी श्रद्धा पाटील यानी आपले शैक्षणिक अनुभव उपस्थितांना सांगितले. 

प्राचार्य डॉ. महेंद्र सोनवणे यांनी आर्किटेक्टचर या क्षेत्राबद्दल माहिती देत विद्यार्थ्यांशी संवाद साधला. या वेळी विद्यार्थी व पालक उपस्थित होते. 

प्रा.अभिषेक रांका, प्राची पांडे, नेहा पाठक, नेहा अनवणे, ऋतुराज कुलकर्णी, चैतन्य बागुल, शिवा सिसोदिया यांनी कार्यक्रमाचे आयोजन केले. 

पीसीईटीचे अध्यक्ष ज्ञानेश्वर लांडगे, उपाध्यक्षा पद्मा भोसले, सचिव विठ्ठल काळभोर, खजिनदार शांताराम गराडे, विश्वस्त तथा पीसीयुचे कुलपती हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई यांच्या मार्गदर्शनाखाली कार्यक्रमाचे आयोजन करण्यात आले.