पुणे : पुण्यातील बुधवार पेठेत बेकायदेशीरपणे राहून वेश्याव्यसाय करणाऱ्या १० बांगलादेशी महिला आणि ९ पुरूष अशा एकूण १९ जणांना पुणे पोलिसांच्या सामाजिक सुरक्षा विभागाने अटक केली. तपासामध्ये बांगलादेशी महिला वेश्याव्यवसाय करीत होत्या. तर पुरुष अन्य व्यवसाय करीत असल्याचे दिसून आले आहे.
पोलिसांनी दिलेल्या माहितीनुसार, बुधवारपेठेतील कुंटणखान्यात बांगलादेशी महिला आणि पुरूष रहात असल्याची माहिती पोलिसांना मिळाली होती. गुरूवारी रात्री छापा टाकून पोलीसांनी त्यांना अटक केली. या लोकांनी भारतात अनधिकृत प्रवेश केल्याचे पोलिसांना दिसून आले. त्यामुळे त्यांना अटक करण्यात आली आहे.
या प्रकरणी फरासखाना पोलीस ठाण्यात पारपत्र अधिनियम १९५० चे कलम ३ सह ६, परकीय नागरिक आदेश १९४८ चा नियम ३ (१) सह परकीय नागरिक कायदा १९४६ चे कलम १४ प्रमाणे गुन्हा दाखल करण्यात आला आहे.
Reviewed by ANN news network
on
९/०१/२०२३ ०८:२५:०० PM
Rating:
कोणत्याही टिप्पण्या नाहीत: