दहावी परीक्षेतील यशवंत, गुणवंताचे मुख्यमंत्री एकनाथ शिंदे यांच्याकडून अभिनंदन

 


आवडते करिअर निवडण्यासाठी दिल्या शुभेच्छा.!

मुंबई :  ‘दहावीच्या परीक्षेतील यशानंतर करिअर निवडीसाठी अनेक मार्ग दिसू लागतात. या मार्गावरून पुढे  जाण्यासाठी, आवडते क्षेत्र निवडण्यासाठी आणि त्यात यशस्वी होण्यासाठी मनापासून शुभेच्छा, अशा शब्दांमध्ये मुख्यमंत्री एकनाथ शिंदे यांनी दहावीच्या परीक्षेतील यशवंत, गुणवंतांचे अभिनंदन केले आहे. 

शुभेच्छा संदेशात मुख्यमंत्री श्री. शिंदे यांनी म्हटले आहे की, शालेय जीवनात दहावीची परीक्षा एक महत्वाचा टप्पा समजला जातो. हा टप्पा यशस्वीपणे पार केल्याबद्दल, यशवंत, गुणवंतांचे मनापासून अभिनंदन. आपल्या या यशासाठी मार्गदर्शन करणारे गुरूजन, पाठबळ देणारे कुटुंबीय या सर्वांचेही अभिनंदन. या परीक्षेतील यशानंतर आपल्याला करिअरचे वेगवेगळे मार्ग खूणावू लागतात. हे मार्ग चोखंदळपणे, डोळसपणे निवडल्यास पुढे यश तुमचेच असेल. असे आवडते क्षेत्र निवडण्यासाठी, त्यात यश मिळावे यासाठी देखील मनापासून शुभेच्छा ! 

काहीजणांना या परीक्षेतील यशाने हुलकावणी दिली असेल. तर त्यांनी खचून न जाता नव्याने तयारी करावी. त्यासाठी फेर परीक्षेचा पर्याय उपलब्ध आहे, त्याचा अवलंब करावा, असे आवाहनही मुख्यमंत्र्यांनी केले आहे. 

दहावी परीक्षेतील यशवंत, गुणवंताचे मुख्यमंत्री एकनाथ शिंदे यांच्याकडून अभिनंदन दहावी परीक्षेतील यशवंत, गुणवंताचे मुख्यमंत्री एकनाथ शिंदे यांच्याकडून अभिनंदन Reviewed by ANN news network on ६/०२/२०२३ ०३:०७:०० PM Rating: 5

कोणत्याही टिप्पण्‍या नाहीत:

Blogger द्वारे प्रायोजित.
Do you have any doubts? chat with us on WhatsApp
Hello, How can I help you? ...
Click me to start the chat...
".