पुणे : खेड शिवापूर येथे ५ कोटींचे अमली पदार्थ जप्त! चौघे अटकेत!!

 

पुणे : पुणे कस्टमच्या नार्कोटिक्स सेलने  29 मे रोजी संध्याकाळी खेड शिवापूर टोल प्लाझा येथे  ५ कोटी रुपयांचे मेथॅम्फेटामाइन जप्त केले. या प्रकरणी चार जणांना अटक करण्यात आली आहे.

अमली पदार्थ विरोधी एजन्सीने सांगितले की, 29 मे रोजी संध्याकाळी खेड शिवापूर टोल प्लाझा येथे एका आरोपीला अटक करण्यात आली. अधिकाऱ्यांच्या म्हणण्यानुसार, तो लोणावळा येथील एका व्यक्तीला मेथॅम्फेटामाइन  (क्रिस्टल मेथ)  पोहोचवण्यासाठी जात होता. एजन्सीने लोणावळ्यातील एका व्यक्तीलाही अटक केली.

चौकशीत साताऱ्यातील आणखी दोन हस्तकांची नावे समोर आली. या माहितीनंतर पोलिसांनी काल रात्री सातारा येथून त्यांनाही ताब्यात घेतले असून बुधवारी त्यांना न्यायालयात हजर केले जाणार आहे.

अधिका-यांनी सांगितले की, दोन आरोपी पूर्वी एका कुरिअर एजन्सीमध्ये काम करत होते, जिथे त्यांना अशा प्रकारच्या ट्रॅफिक गोष्टींबद्दल माहिती मिळाली नंतर ते या व्यवसायात पूर्णपणे गुंतले.

अधिकार्‍यांच्या म्हणण्यानुसार, 29 मे रोजी संध्याकाळी पुण्याजवळील खेड शिवापूर टोल प्लाझा येथे एक वाहन अडवण्यात आले परिणामी 850 ग्रॅम जप्त करण्यात आले आणि त्यानंतर लोणावळ्याजवळ 200 ग्रॅम जप्त करण्यात आले.