लासूर स्टेशन येथे सेंट्रल बँक ऑफ इंडिया शाखेला शेतकऱ्यांचे टाळे; जिल्हाभरातील शाखांना टाळे ठोकण्याचा इशारा!
आंदोलनादरम्यान बोलताना भाजपचे तालुकाध्यक्ष रवींद्र पाटील चव्हाण यांनी सांगितले की, शासनाने कर्जमाफी जाहीर केल्यानंतर अनेक दिवस उलटूनही लासूर स्टेशन शाखेतील जवळपास ९०० शेतकऱ्यांची खाती बंद झालेली नाहीत. त्यामुळे शेतकऱ्यांना कर्जमाफीचा लाभ मिळत नसून त्यांना वारंवार बँकेच्या चकरा माराव्या लागत आहेत. या संदर्भात बँक व्यवस्थापक व वरिष्ठांशी वेळोवेळी चर्चा करूनही गेल्या तीन महिन्यांपासून अडचण सोडवली जात असून 'अंडर प्रोसेस' असल्याचीच माहिती दिली जात असल्याचे त्यांनी नमूद केले.
डिजिटल युगात तांत्रिक अडचणी सोडवण्यासाठी तीन महिने लागत असतील तर ती गंभीर बाब असल्याचे सांगत, शेतकऱ्यांच्या प्रश्नांबाबत बँकेच्या वरिष्ठ पातळीवर गांभीर्य नसल्याचा आरोप रवींद्र पाटील चव्हाण यांनी केला. दुष्काळी परिस्थितीच्या पार्श्वभूमीवर शासन शेतकऱ्यांना दिलासा देत असताना बँकेच्या दिरंगाईमुळे शेतकरी लाभापासून वंचित राहत असल्याचे ते म्हणाले. आज लासूर स्टेशन शाखेला टाळे ठोकले असून, शेतकऱ्यांना कर्जमाफीचा लाभ आणि पीक कर्ज मिळेपर्यंत हा टाळे उघडणार नाही; तसेच छत्रपती संभाजीनगर जिल्ह्यातील सेंट्रल बँक ऑफ इंडियाच्या इतर शाखांनाही टप्प्याटप्प्याने टाळे ठोकण्याचा इशारा त्यांनी दिला.
या बाबत बँकेच्या व्यवस्थापकांनी आपली भूमिका मांडताना सांगितले की, संबंधित खाती वरच्या स्तरावरून म्हणजेच सेंट्रल ऑफिसकडून बंद केली जातात आणि स्थानिक शाखेला खाती बंद करण्याचा अधिकार (पॉवर) नाही. या प्रकरणी सातत्याने पाठपुरावा सुरू असून, मेल, फोन आणि लीड डिस्ट्रिक्ट मॅनेजर (एलडीएम) यांच्यामार्फतही पत्रव्यवहार व माहिती पाठवण्यात आली असल्याचे व्यवस्थापकांनी स्पष्ट केले.
ज्या शेतकऱ्यांची खाती यापूर्वी बंद झाली, त्यांच्या गावागावात जाऊन आणि रात्री उशिरापर्यंत काम करून आवश्यक प्रक्रिया पूर्ण करत लाभ देण्याचा प्रयत्न स्थानिक स्तरावर केल्याचे व्यवस्थापकांनी सांगितले. मात्र, उर्वरित खाती बंद न झाल्यामुळे पुढील फायलींची प्रक्रिया पुढे सरकवण्यात अडचण येत आहे. छत्रपती संभाजीनगर क्षेत्रीय कार्यालयामार्फत मुंबईतील सेंट्रल ऑफिसशी संपर्क साधून पाठपुरावा सुरू असून, एक ते दोन दिवसांत खाती बंद करण्याबाबत वरिष्ठ पातळीवरून आश्वासन मिळाल्याचे आणि खाती बंद झाल्यानंतर तातडीने पुढील कर्जप्रक्रिया व मदत देण्याचे काम केले जाईल, असे बँक व्यवस्थापनाने नमूद केले.
Labels: Lasur Station Bank Lockout, Central Bank Of India, Vaijapur News, Chhatrapati Sambhajinagar, Loan Waiver Farmers, Crop Loan Delay, Farmer Protest Maharashtra, Astra News Network
Search Description: Read the news report on farmers and BJP taluka president locking the Central Bank of India branch at Lasur Station in Vaijapur over around 900 accounts remaining unclosed for three months, delaying loan waiver and crop loan benefits.
Hashtags: #LasurStation #CentralBankOfIndia #Vaijapur #ChhatrapatiSambhajinagar #FarmersProtest #LoanWaiver #MaharashtraNews #AstraNews
Reviewed by ANN news network
on
११/२१/२०२६ ०४:१३:०० PM
Rating:

कोणत्याही टिप्पण्या नाहीत: