तब्बल २१ वर्षांपासून फरार असलेला आरोपी गुन्हेशाखेच्या जाळ्यात; येरवडा परिसरात धडक कारवाई

पुणे : पुणे शहरात विविध गंभीर व जुन्या गुन्ह्यांमध्ये न्यायालयाला गुंगारा देऊन फ़रारी झालेल्या आरोपींचा शोध घेण्यासाठी पुणे पोलीस आयुक्तालयाने विशेष मोहीम हाती घेतली आहे. याच मोहिमेअंतर्गत पुणे शहर गुन्हे शाखेच्या खंडणी विरोधी पथक-२ कडील पथकाने एका कारवाईत अत्यंत उल्लेखनीय यश संपादन केले आहे. येरवडा पोलीस ठाण्याच्या हद्दीत वर्ष २००५ मध्ये दाखल असलेल्या एका गुन्ह्यात तब्बल २१ वर्षांपासून फरार असलेला  आरोपी नदीम चांदशेख यास गुन्हे शाखेच्या पथकाने १६ ऑक्टोबर २०२६ रोजी येरवडा परिसरात जेरबंद केले आहे. दोन दशकांहून अधिक काळ पोलिसांच्या हाती न लागलेला हा आरोपी पोलिसांच्या जाळ्यात अडकल्यामुळे खळबळ उडाली आहे.

पोलिसांनी दिलेल्या सविस्तर माहितीनुसार, १६ ऑक्टोबर २०२६ रोजी गुन्हे शाखेचे खंडणी विरोधी पथक-२ कडील उपनिरीक्षक प्रसाद जाधव, अंमलदार संजय आढारी, विनोद महाजन, प्रदीप परीट आणि शेखर खराडे हे शहरात फरारी आरोपींचा शोध घेत गस्त घालत होते. यादरम्यान विनोद महाजन आणि संजय आढारी यांना त्यांच्या गुप्त बातमीदारामार्फत येरवडा पोलीस स्टेशन गु.र.नं. ३२६७/२००५ नुसार भारतीय विद्युत कायदा २००३ चे कलम १३५ मधील फरार असलेला आरोपी हा अभिजीत हॉटेल, नागपूर चाळ, येरवडा येथे थांबला असल्याची बातमी मिळाली.

माहिती मिळताच पथकाने तत्काळ  अभिजित हॉटेलसमोरील परिसरात त्यासताब्यात घेतले. त्याचे नाव व पत्ता विचारला असता त्याने आपले नाव नदीम चांदशेख (वय ५४ वर्षे, सध्या रा. सर्वे नंबर १९१, नागपूर चाळ, येरवडा, पुणे) असल्याचे सांगितले. तसेच तो एम. ओबी यादी क्रमांक १७७२ मधील पाहिजे असलेला सराईत आरोपी असल्याचे निष्पन्न झाले. गेल्या २१ वर्षांपासून कायद्याच्या चौकटीतून पळ काढत असलेल्या या आरोपीस जेरबंद करण्यात पोलिसांना यश आले आहे.

आरोपीस ताब्यात घेतल्यानंतर गुन्हे शाखेने आवश्यक ती सर्व कायदेशीर प्रक्रिया पूर्ण करून पुढील कारवाईसाठी त्यास येरवडा पोलीस ठाण्याच्या कक्षेकडे सुपूर्द केले आहे. 

ही कामगिरी खंडणी विरोधी पथक-२ चे निरीक्षक श्रीराम राजमाने, उपनिरीक्षक प्रसाद जाधव, अंमलदार संजय आढारी, विनोद महाजन, प्रदीप परीट आणि शेखर खराडे यांनी पार पाडली आहे. 

• Labels: Pune Police, Anti Extortion Cell, Yerawada Police Station, Fugitive Arrested, Pune Crime News, Maharashtra Police, Electric Act Case

• Search Description: Pune Crime Branch Anti-Extortion Cell-2 arrested a fugitive accused wanted for 21 years in an electricity act case registered at Yerawada Police Station.

• Hashtags: #PunePolice #CrimeBranch #YerawadaPolice #FugitiveArrested #CrimeNews #MaharashtraPolice #LawAndOrder