नाना पेठेत ५२ हजार रुपयांचा गुटखा जप्त; साकीब अन्सारीला ठोकल्या बेड्या

पुणे (६ ऑगस्ट २०२६): पुणे शहरातील अवैध धंदे आणि बंदी घातलेल्या अंमली पदार्थांची विक्री करणाऱ्यांविरोधात पुणे शहर पोलीस दलाकडून धडक कारवाईची सत्र सुरूच आहे. या पार्श्वभूमीवर, गुन्हे शाखेच्या अमली पदार्थ विरोधी पथक-१ ने मध्य पुण्यातील नाना पेठ भागात छापा टाकून महाराष्ट्र शासनाने बंदी घातलेला प्रतिबंधित गुटखा आणि सुगंधित पानमसाल्याचा मोठा साठा जप्त केला आहे. या प्रकरणी साकीब मुस्ताक अन्सारी या ३० वर्षीय तरुणाला अटक करण्यात आली असून समर्थ पोलीस ठाण्यात अन्न सुरक्षा मानके कायद्यासह विविध गंभीर कलमांन्वये गुन्हा दाखल करण्यात आला आहे.

वरिष्ठ अधिकाऱ्यांनी पुणे शहरातील बेकायदेशीर धंद्यांचे समूळ उच्चाटन करण्याचे कडक निर्देश दिलेले आहेत. या आदेशानुसार, दिनांक ०५ ऑगस्ट २०२६ रोजी अमली पदार्थ विरोधी पथक-१ चे वरिष्ठ निरीक्षक तृप्ती सोनवणे, सहाय्यक निरीक्षक सुरवसे, उपनिरीक्षक कोतकर व त्यांचे पथक समर्थ पोलीस ठाण्याच्या हद्दीमध्ये अवैध धंद्यांचा शोध घेण्यासाठी गस्त घालत होते.

गस्तीदरम्यान पोलीस अंमलदार मंगेश गुंड्या यांना त्यांच्या विश्वसनीय बातमीदाराकडून गुप्त बातमी मिळाली की, "नाना पेठ येथील किरड हॉस्पिटलच्या इमारतीत राहणारा साकीब अन्सारी याच्याकडे मोठ्या प्रमाणावर विक्रीसाठी प्रतिबंधित गुटखा आणि सुगंधित तंबाखूचा साठा साठवून ठेवण्यात आला आहे." बातमीची शहानिशा केल्यानंतर वरिष्ठ अधिकाऱ्यांच्या परवानगीने पथकाने किरड बिल्डिंग, नाना पेठ येथे तात्काळ छापा टाकला.
५२,४०६ रुपयांचा प्रतिबंधित गुटखा साठा जप्त

पोलीस पथकाने दिलेल्या पत्त्यावर छापा टाकून संशयित इसमाची चौकशी केली आणि पंचासमक्ष घराची झाडाझडती घेतली. या कारवाई दरम्यान महाराष्ट्र शासनाने मानवी आरोग्यास घातक म्हणून प्रतिबंधित केलेला एकूण ५२,४०६/- रुपये किमतीचा गुटखा व पानमसाला जप्त करण्यात आला.

जप्त करण्यात आलेला मुद्देमाल:
विमल गुटखा
केशरयुक्त गोवा गुटखा
आर.एम.डी. (RMD) पानमसाला
रजनीगंधा व इतर सुगंधित पानमसाला आणि तंबाखूजन्य पदार्थ

अटक करण्यात आलेल्या आरोपीचे नाव साकीब मुस्ताक अन्सारी (वय ३० वर्षे, रा. फ्लॅट नं. ३१२, किरड बिल्डिंग, नाना पेठ, पुणे) असे आहे. हा सर्व साठा त्याने पुणे शहरात छुप्या मार्गाने विक्री करण्यासाठी आणल्याचे तपासात निष्पन्न झाले आहे.

 
समर्थ पोलीस ठाण्यात गुन्हा दाखल
या प्रकरणी समर्थ पोलीस ठाणे, पुणे शहर येथे गुन्हा रजिस्टर क्रमांक २६५/२०२६ अन्वये गुन्हा नोंदवण्यात आला आहे. आरोपीविरुद्ध भारतीय न्याय संहिता (BNS) कलम १२३, २२३, २७४, २७५ सह सिगारेट व अन्य तंबाखूजन्य उत्पादने (जाहिरात प्रतिबंध आणि व्यापार, वाणिज्य उत्पादन पुरवठा व वितरण यांचे विनियमन) अधिनियम कलम ७(२), २०(२) आणि अन्न सुरक्षा मानके अधिनियम २००६ चे कलम २६(२)(i)(iv) चे उल्लंघन केल्याप्रकरणी कलम ५९ अंतर्गत गुन्हा दाखल करण्यात आला आहे.

 
वरिष्ठ अधिकाऱ्यांचे मार्गदर्शन व कामगिरी करणारे पथक
सदरची कारवाई अपर  आयुक्त (गुन्हे)  तेजस्वी सातपुते,  उपनिरीक्षक (गुन्हे)  गौहर हसन आणि सहाय्यक   आयुक्त (गुन्हे-३)  शंकर खटके यांच्या मार्गदर्शनाखाली पार पडली.

या धडक कारवाईत अमली पदार्थ विरोधी पथक-१ च्या वरिष्ठ निरीक्षक तृप्ती सोनवणे, सहाय्यक निरीक्षक अनिल सुरवसे, उपनिरीक्षक कोतकर तसेच  अंमलदार राहुल मड्डेले, संजय राजे, निलेश जाधव, विशाल भिल्लारे, अमरनाथ लोणकर, किरण जाधव, मंगेश गुंड्या आणि महिला पोलीस अंमलदार आशा भिंगारे यांनी प्रत्यक्ष सहभाग घेतला.

• Labels: Pune Police, Anti Narcotics Cell, Samarth Police Station, Gutkha Seized, Nana Peth Pune, Crime News Pune, Food Safety Act

• Search Description: Anti-Narcotics Cell-1 of Pune Crime Branch seized banned gutkha worth Rs 52,406 from Nana Peth, arresting Sakib Ansari under Food Safety Act.

Hash Tags

#PunePolice #AntiNarcoticsCell #GutkhaSeized #NanaPeth #SamarthPoliceStation #PuneCrimeNews #FoodSafetyAct #BreakingNews #MaharashtraNews