पुण्यात नऱ्हे परिसरात दोन फ़रार आरोपी अटकेत, एक अल्पवयीन ताब्यात! ३ गावठी पिस्तुले जप्त

 

पुणे (५ ऑगस्ट २०२६): पुणे शहरातील गंभीर गुन्ह्यांतील फरार आरोपी आणि मकोका (MCOCA) गुन्ह्यांतील संशयितांचा शोध घेत असताना पुणे शहर पोलीस गुन्हे शाखा युनिट-३ च्या पथकाने एक अत्यंत महत्त्वपूर्ण कामगिरी बजावली आहे. नऱ्हे परिसरातील स्वामीनारायण मंदिर आणि जेएसपीएम कॉलेजच्या पाठीमागील रस्त्यावर सापळा रचून पोलिसांनी गंभीर गुन्ह्यात पाहिजे असलेल्या दोन तरूण आरोपींसह एका विधीसंघर्षित बालकाला रंगेहाथ ताब्यात घेतले आहे. त्यांच्याकडून ३ गावठी बनावटीचे  पिस्तुले, ३ मॅगझिन, ४ जिवंत काडतुसे आणि महागडे आयफोन असा एकूण १ लाख ८१ हजार १०० रुपयांचा मुद्देमाल जप्त करण्यात आला आहे.

 
गुप्त बातमीदाराच्या खबरीवरून रचला सापळा
दिनांक ०४ ऑगस्ट २०२६ रोजी गुन्हे शाखा युनिट-३ चे सहाय्यक पोलीस निरीक्षक नानासाहेब कदम, पोलीस अंमलदार पंढरीनाथ शिंदे, किशोर शिंदे, कैलास लिम्हण, अतुल साठे, अमोल काटकर, पुरुषोत्तम गुन्ला, योगेश झेंडे आणि तुषार किंद्रे हे पथक नऱ्हे पोलीस ठाण्याच्या हद्दीत गस्त घालत होते. स्वामीनारायण मंदिर व जेएसपीएम कॉलेज रोड परिसरात पेट्रोलिंग सुरू असताना पोलीस अंमलदार किशोर शिंदे, पुरुषोत्तम गुन्ला आणि योगेश झेंडे यांना त्यांच्या खात्रीशीर बातमीदाराकडून महत्त्वाची माहिती मिळाली.

नऱ्हे पोलीस ठाण्यातील गु. र. नं. १९०/२०२६ (भारतीय न्याय संहिता २०२३ चे कलम ३०९ (४), ३ (५) - जबरी चोरी/दरोडा) मधील पाहिजे असलेले आरोपी स्वामीनारायण मंदिराच्या पाठीमागील बाजूस, अभिनव कॉलेजकडे जाणाऱ्या रस्त्यावर अंधारात थांबले आहेत. ते फिर्यादीची चोरलेली काळ्या रंगाची ॲक्टिव्हा गाडी घेऊन आले असून त्यांच्याकडे घातक गावठी पिस्तूल आहे, अशी पक्की बातमी मिळताच पोलिसांनी तात्काळ हालचाली सुरू केल्या.

लाखोंचा मुद्देमाल जप्त
मिळालेल्या माहितीच्या आधारे पोलिसांनी सरकारी व खाजगी वाहनांनी जाऊन संबंधित ठिकाणी वेढा घातला आणि अंधाराचा फायदा घेऊन पळून जाण्याच्या तयारीत असलेल्या तीनही जणांना ताब्यात घेतले.
ताब्यात घेतलेल्या आरोपींची नावे:
शुभम साधू चव्हाण (वय २० वर्षे, रा. त्रियाग सोसायटी, शेवटची बिल्डिंग, आंबेगाव बुद्रुक, पुणे)
शुभम सतीश डोके (वय १९ वर्षे, रा. मेमाणे सोसायटी, विठ्ठल मंदिराजवळ, नऱ्हे गाव, पुणे)
एक विधीसंघर्षित बालक (अल्पवयीन)

जप्त करण्यात आलेला मुद्देमाल:
गावठी बनावटीची लोखंडी  पिस्तुले  (०३) व मॅगझिन (०३): किंमत रु. १,२०,०००/-
जिवंत काडतुसे (०४): किंमत रु. २,०००/-
आयफोन १५ प्रो मोबाईल: किंमत रु. ४५,०००/-
आयफोन १३ प्रो मोबाईल: किंमत रु. ४५,०००/-
होंडा ॲक्टिव्हा मोपेड (MH 13 DV 3335): किंमत रु. ३५,०००/-

रोख रक्कम: रु. ९,१००/-
एकूण जप्त मुद्देमाल: रु. १,८१,१००/-

नऱ्हे पोलिसांच्या स्वाधीन; पुढील तपास सुरू
ताब्यात घेतलेल्या आरोपींकडे अधिक सखोल चौकशी केली असता, त्यांनी सदर गुन्ह्यातील इतर साथीदारांची नावे देखील निष्पन्न केली आहेत. पुढील कायदेशीर कारवाई आणि गुन्ह्याच्या सखोल तपासासाठी सर्व आरोपींना व जप्त मुद्देमालाला नऱ्हे पोलीस ठाण्याच्या ताब्यात देण्यात आले आहे.
वरिष्ठ अधिकाऱ्यांचे मार्गदर्शन व पथकाची कामगिरी

सदरची कामगिरी अपर पोलीस आयुक्त (गुन्हे) तेजस्वी सातपुते, उपआयुक्त (गुन्हे) गौहर हसन आणि सहाय्यक आयुक्त (गुन्हे-१) शैलेश संख्ये यांच्या मार्गदर्शनाखाली पार पडली.
या मोहिमेत गुन्हे शाखा युनिट-३ चे पोलीस निरीक्षक प्रशांत अन्नछत्रे, सहाय्यक निरीक्षक नानासाहेब कदम, सहाय्यक उपनिरीक्षक पंढरीनाथ शिंदे तसेच अंमलदार किशोर शिंदे, कैलास लिम्हण, अतुल साठे, अमोल काटकर, पुरुषोत्तम गुन्ला, योगेश झेंडे आणि तुषार किंद्रे यांनी मोलाची भूमिका बजावली.

• Labels: Pune Police, Crime Branch Unit 3, Illegal Arms Seized, Narhe Police Station, Pune Crime News, BNS 2023, Desi Katta Seized

• Search Description: Pune Crime Branch Unit-3 arrested 2 wanted criminals and 1 juvenile in Narhe, seizing 3 country-made pistols, 4 live cartridges, and iPhones.

Hash Tags

#PunePolice #CrimeBranch #PuneCrimeNews #Narhe #PistolSeized #IllegalWeapons #BNS2023 #BreakingNews #MaharashtraNews