नागरिकांच्या जिवाशी खेळणाऱ्या ५ बोगस डॉक्टरांना हातकड्या!;१ लाख १९ हजारांची औषधे जप्त

मुंबई (१४ ऑगस्ट २०२६): वैद्यकीय क्षेत्रातील कोणतीही पदवी नसताना किंवा कोणतेही वैद्यकीय शिक्षण घेतलेले नसताना क्लिनिक थाटून नागरिकांच्या जिवाशी खेळणाऱ्या ५ बोगस डॉक्टरांचा मुंबई पोलिसांच्या गुन्हे शाखेने पर्दाफाश केला आहे. गुन्हे शाखेच्या कक्ष ६ आणि कक्ष ८ च्या पथकाने बृहन्मुंबई महानगरपालिकेच्या वैद्यकीय अधिकाऱ्यांना सोबत घेऊन देवनार आणि वांद्रे पूर्व परिसरात ही धडक कारवाई केली.

 ही कारवाई १४ ऑगस्ट २०२६ रोजी देवनार आणि वांद्रे पूर्व परिसरातील एकूण पाच क्लिनिकवर एकाच वेळी छापे टाकून करण्यात आली. गुन्हे शाखेच्या कक्ष ६ व कक्ष ८ च्या पथकांना मिळालेल्या गुप्त माहितीच्या आधारे देवनार येथील झाकीर हुसेन नगरमधील चार क्लिनिक आणि वांद्रे पूर्व येथील नौपाडा परिसरातील एका क्लिनिकवर हे छापे घालण्यात आले.

तपासादरम्यान, संबंधित इसम कोणत्याही अधिकृत वैद्यकीय पदवीशिवाय तसेच महाराष्ट्र मेडिकल कौन्सिलमध्ये कोणतीही नोंदणी नसताना स्वतः डॉक्टर असल्याचे भासवत होते. ते विविध आजारांवर रुग्णांची तपासणी करून अनधिकृतपणे औषधोपचार करत होते आणि त्यांच्याकडून भरमसाठ फी उकळून फसवणूक करत होते.

 
छाप्यात १.१९ लाखांची औषधे व वैद्यकीय साहित्य जप्त

पोलिसांनी टाकलेल्या या छाप्यात पाचही क्लिनिकमधून एकूण १ लाख १९ हजार ३२४ रुपये किमतीचा मुद्देमाल जप्त केला आहे. यात वेगवेगळ्या प्रकारच्या ॲन्टिबायोटिक गोळ्या, इंजेक्शन्सच्या बाटल्या, सिरिंज आणि इतर वैद्यकीय साहित्याचा समावेश आहे.
कारवाईत निष्पन्न झालेल्या बोगस डॉक्टरांची नावे खालीलप्रमाणे आहेत:
सगीर अहमद अब्दुल मजिद हाशमी (वय ३९ वर्षे) - डॉ. सगीर क्लिनिक, झाकीर हुसेन नगर, देवनार
अखिलेश कुमार देवेंद्र कुमार दुबे (वय ४७ वर्षे) - गायत्री क्लिनिक, झाकीर हुसेन नगर, देवनार
महमुद आलम मोहम्मद शरीफ शेख (वय ३६ वर्षे) - आयेशा क्लिनिक, झाकीर हुसेन नगर, देवनार
केशव प्रसाद कुद्दुर पटेल (वय ५६ वर्षे) - पटेल क्लिनिक, झाकीर हुसेन नगर, देवनार
मोहम्मद आफताब शौकत खान (वय ५६ वर्षे) - आफताब खान क्लिनिक, नौपाडा, वांद्रे पूर्व

 
देवनार आणि निर्मळ नगर पोलीस ठाण्यात गुन्हे दाखल

बोगस डॉक्टरांच्या या बेकायदेशीर कृत्याप्रकरणी मुंबईतील देवनार पोलीस ठाणे आणि निर्मळ नगर पोलीस ठाणे येथे रीतसर गुन्हे नोंदवण्यात आले आहेत. अनधिकृत वैद्यकीय सराव करून सर्वसामान्य नागरिकांचे आरोग्य धोक्यात आणल्याप्रकरणी त्यांच्यावर कायद्यानुसार कठोर कारवाई केली जात आहे.

 
वरिष्ठ पोलीस अधिकाऱ्यांच्या मार्गदर्शनाखाली कारवाई

ही धडक मोहीम पोलीस आयुक्त देवेन भारती, सहआयुक्त (गुन्हे) अनिल कुंभारे, अप्पर आयुक्त (गुन्हे) कृष्णकांत उपाध्याय, उपआयुक्त (प्रकटीकरण-१) नवनाथ ढवळे, सहायक आयुक्त (डी/पूर्व) धर्मपाल बनसोडे आणि सहायक आयुक्त (डी/पश्चिम) सदानंद राणे यांच्या मार्गदर्शनाखाली पार पडली.

कारवाईत कक्ष ६ चे प्रभारी निरीक्षक भरत घोणे, कक्ष ८ चे प्रभारी निरीक्षक गणेश माळी, सहायक  निरीक्षक नवनाथ काळे, रूपाली चौधरी, श्रीकांत काळे, रोहन भगडे, उपनिरीक्षक शरद नाणेकर, संदीप राहाणे, माशेरे, हेमंत मिर्जे, दीपक दराडे, तसेच अंमलदार खेडकर, डगळे, वानखेडे, बैलकर, ढाकणे, सोनवणे आणि अतिग्रे यांनी मोलाची कामगिरी बजावली.

Labels:

Mumbai Crime Branch, Fake Doctors Arrested, Devnar News, Bandra East News, Nirmal Nagar Police, Bogus Doctor Crackdown

Search Description:

Mumbai Crime Branch Unit 6 and 8 exposed 5 bogus doctors practicing without medical degrees in Devnar and Bandra East, seizing medicines worth Rs 1.19 lakh.

Hashtags:

#MumbaiCrimeBranch #FakeDoctors #MumbaiPolice #DevnarNews #BandraNews #HealthcareFraud #PoliceAction