मध्यरात्री 'फटाका बुलेट'चा धुमाकूळ अन् सोशल मीडियावर रील्स; विश्रांतवाडी पोलिसांनी हुल्लडबाजांच्या आवळल्या आवळल्या मुसक्या, ५ लाख ७५ हजारांच्या दुचाक्या जप्त!

 

पुणे (७ ऑगस्ट २०२६): पुण्यातील धानोरी आणि विश्रांतवाडी परिसरात मध्यरात्रीच्या वेळी दुचाक्यांचे मॉडिफाइड 'फटाका सायलेंसर' वाजवून, भयभूक वातावरण निर्माण करत रील्स बनवणाऱ्या हुल्लडबाज तरुणांच्या मुसक्या आवळण्यात विश्रांतवाडी पोलिसांना मोठे यश आले आहे. या कारवाईत पोलिसांनी ५ आरोपींना ताब्यात घेतले असून, त्यांच्याकडून एकूण ५ लाख ७५ हजार रुपये किमतीच्या ४ दुचाक्या जप्त केल्या आहेत. तसेच वाहनांवरून कर्कश फटाक्यांसारखा आवाज काढणारे सायलेन्सर काढून नष्ट करण्यात आले आहेत.

 
मध्यरात्री धुमाकूळ अन् सोशल मीडियावर रील्सचा फॅड
दिनांक ३१ जुलै २०२६ रोजी मध्यरात्री २.०० ते २.३० वाजेच्या सुमारास धानोरी येथील गॅलॅक्सिया सोसायटीसमोरील सार्वजनिक रस्त्यावर काही तरुणांनी आपल्या बुलेट व इतर साध्या सायलेंसरमध्ये बेकायदेशीर बदल करून फटाक्यांसारखे कर्णकटू व भीतीदायक आवाज काढण्यास सुरुवात केली होती. धोकादायक पद्धतीने गाड्या चालवून याचे व्हिडिओ बनवणे आणि ते सोशल मीडियावर रील्स स्वरूपात व्हायरल करणे असा प्रकार सुरू होता.

या कर्णकर्कश आवाजामुळे आणि तरुणांच्या स्टंटबाजीमुळे परिसरातील शांतता भंग होऊन नागरिकांमध्ये तीव्र घबराट पसरली होती. भयभीत झालेल्या स्थानिक नागरिकांनी तात्काळ विश्रांतवाडी पोलीस ठाण्याशी संपर्क साधून तक्रार नोंदवली.

 
पोलिसांचे गुप्त माहितीच्या आधारे जाळे; ५ जण जाळ्यात
नागरिकांच्या तक्रारीची तात्काळ गंभीर दखल घेत विश्रांतवाडी पोलीस ठाण्याच्या तपास पथकातील अधिकारी, कर्मचारी व बीट मार्शल यांनी परिसरात गुप्त बातमीदारांमार्फत माहिती गोळा करण्यास सुरुवात केली. फटाका सायलेंसरचा आवाज करून दहशत निर्माण करणाऱ्यांचा शोध घेत पोलिसांनी ४ सज्ञान तरुण आणि एका विधीसंघर्षग्रस्त बालकाला (अल्पवयीन) ताब्यात घेतले.

या कारवाईत पोलिसांनी ताब्यात घेतलेल्या आरोपींची नावे पुढीलप्रमाणे आहेत:
आशिष अशोक शिंदे (वय २१ वर्षे, रा. लेन नं. ९, निंबाळकरनगर, लोहगाव, पुणे)
गुरुपितसिंग कर्नलसिंग कंबोज (वय २१ वर्षे, रा. लेन नं. ९, निंबाळकरनगर, लोहगाव, पुणे)
संजय मुकेश सरवदे (वय २० वर्षे, रा. भ्रिमनगर, विश्रांतवाडी, पुणे)
गौरव लक्ष्मण मस्के (वय २० वर्षे, रा. मस्केवस्ती, विश्रांतवाडी, पुणे)
एक विधीसंघर्षग्रस्त बालक

५.७५ लाखांच्या गाड्या जप्त; सायलेंसर केले नष्ट
विश्रांतवाडी पोलिसांनी या कारवाईदरम्यान एकूण ४ वाहने जप्त केली आहेत:
बुलेट १: MH 14 JQ 2169
बुलेट २: MH 14 FU 9200
केटीएम बाईक: MH 12 YC 0146
स्प्लेंडर बाईक: MH 12 YM 6370

जप्त करण्यात आलेल्या सर्व दुचाक्यांची एकूण किंमत रु. ५,७५,०००/- इतकी आहे. या वाहनांवर बसवण्यात आलेले बेकायदेशीर व कर्णकर्कश फटाका सायलेंसर पोलिसांनी वाहनांवरून काढून पूर्णपणे नष्ट केले आहेत.

आरोपींविरुद्ध विश्रांतवाडी पोलीस ठाण्यात गु.र.नं. ३७३/२०२६ अन्वये भारतीय न्याय संहिता (BNS) २०२३ चे कलम २८१, २९२ सह मोटार वाहन कायदा कलम १८४, १८२(अ), १९४(एफ), १९८, १९७ प्रमाणे गुन्हा दाखल करण्यात आला आहे.

 
वरिष्ठ अधिकाऱ्यांच्या मार्गदर्शनाखाली कारवाई
सदरची धडक कारवाई पूर्व प्रादेशिक विभागाचे अपर पोलीस आयुक्त मनोज पाटील, परिमंडळ ४ चे  उपआयुक्त चिलुमुला रजनीकांत, येरवडा विभागाचे सहाय्यक आयुक्त सुनिल जैतापूरकर आणि विश्रांतवाडी पोलीस ठाण्याचे वरिष्ठ निरीक्षक राजेंद्र पन्हाळे यांच्या मार्गदर्शनाखाली पार पडली.

या कारवाईत निरीक्षक (गुन्हे) संपतराव राऊत, अमर कदम, तपास पथकाचे अधिकारी सहाय्यक  निरीक्षक सुनिल उगले यांच्यासह अंमलदार बबन वणवे, कृष्णा माचरे, यशवंत किर्वे, संपत भोसले, विशाल गाडे, वामन सावंत, संजय बादरे, धवल लोणकर, स्वप्नील कांबळे, किशोर भुसारे, होना साबळे आणि प्रमोद जाधव यांनी मोलाची भूमिका बजावली.

 

'सायलेंसर मॉडिफिकेशन करणाऱ्यांवरही होणार कारवाई'
सार्वजनिक रस्त्यावर स्टंटबाजी करणे, बेकायदेशीर सायलेंसर लावून फटाक्यांसारखा आवाज काढणे आणि नागरिकांच्या जिवाला धोका निर्माण करणे या गोष्टी खपवून घेतल्या जाणार नाहीत. अशा हुल्लडबाजांवर आणि त्यांना सायलेन्सर मॉडिफाय करून देणाऱ्या गॅरेज चालकांवरही भविष्यात कठोर कायदेशीर कारवाई केली जाईल, असा सज्जड इशारा पुणे पोलीस प्रशासनाकडून देण्यात आला आहे.

• Labels: Pune Police, Vishrantwadi Police, Bullet Silencer Crackdown, Firecracker Silencer, Pune Crime News, BNS 2023, Motor Vehicle Act

• Search Description: Vishrantwadi police arrested 5 youths for creating terror with modified firecracker bullet silencers in Dhanori, Pune and seized 4 two-wheelers worth Rs 5.75 lakh.

Hash Tags

#PunePolice #VishrantwadiPolice #PuneNews #CrimeNews #BulletSilencer #Dhanori #MaharashtraNews #BreakingNews #BNS2023