वारीनिमित्त पुणे-पंढरपूर महामार्गावर वाहतूक निर्बंध; जिल्हा प्रशासनाकडून पर्यायी मार्ग जाहीर

पुणे, १० जुलै २०२६: श्री संत ज्ञानेश्वर महाराज पालखी सोहळा २०२६ च्या पार्श्वभूमीवर, राष्ट्रीय महामार्ग क्र. ९६५ (पुणे–पंढरपूर/पुणे–बारामती मार्ग) वरील वाहतूक सुरळीत ठेवण्यासाठी आणि लाखो वारकऱ्यांच्या सुरक्षिततेसाठी पुणे जिल्हाधिकारी तथा जिल्हादंडाधिकारी जितेंद्र डुडी यांनी मोटार वाहन कायदा, १९८८ च्या कलम ११५ अंतर्गत वाहतुकीत तात्पुरते बदल करण्याचे आदेश जारी केले आहेत. हे बदल १० जुलै ते १५ जुलै २०२६ या कालावधीत लागू राहतील.

क्षेत्रनिहाय वाहतूक बदलांचे नियोजन

जेजुरी पोलीस स्टेशन आणि बेलसर फाटा: १० जुलै रात्री ८ वाजल्यापासून १३ जुलै सायंकाळी ५ वाजेपर्यंत बारामती, फलटण आणि साताराकडून येणारी वाहतूक बेलसर फाटा-वाघापूर चौक-उरुळी कांचन मार्गे वळवण्यात आली आहे. १३ जुलै सायंकाळी ५ ते १४ जुलै रात्री १० वाजेपर्यंत जेजुरी, सातारा, फलटण, लोणंद आणि बारामतीकडे जाणारी सर्व वाहतूक बेलसर-नाझरे-काळा ओढा-मोरगाव-निरा-लोणंद या मार्गाने वळवण्यात आली आहे.


मोरगाव चौक, जेजुरी: १० जुलै रात्री ८ ते १२ जुलै रात्री १० वाजेपर्यंत पालखीची वाहतूक वगळता इतर सर्व वाहने जेजुरी-मोरगाव-सुपा-केडगाव चौफुला मार्गे पुणेकडे वळवण्यात आली आहेत. तसेच, १४ जुलै दुपारी १ ते १५ जुलै रात्री १० वाजेपर्यंत पुणे-सासवड मार्गे लोणंद-सातारा-फलटणकडे जाणारी वाहतूक जेजुरी-मोरगाव-लोणी भापकर फाटा-कोऱ्हाळे मार्गे फलटणकडे वळवण्यात आली आहे.

भोरवाडी फाटा, जेजुरी: १४ जुलै दुपारी १ ते १५ जुलै रात्री १० वाजेपर्यंत कोळविहीरे-मोरगाव रोड-मोरगाव-लोणी भापकर फाटा-कोऱ्हाळे मार्गे फलटणकडे वाहतूक वळवण्यात आली आहे.

निरा, श्री छत्रपती शिवाजी चौक: १० जुलै रात्री ८ ते १५ जुलै रात्री ११ वाजेपर्यंत सातारा, फलटण, लोणंद येथून पुण्याकडे जाणारी सर्व वाहतूक निरा-मोरगाव-सुपा-केडगाव चौफुलामार्गे वळवण्यात आली आहे.

बेलसर गाव, कोथळे चौक: १० जुलै रात्री ८ ते १३ जुलै सकाळी ५ वाजेपर्यंत कोथळे चौक ते सासवड दरम्यान वाहतूक बंद असेल. १३ जुलै सकाळी ५ ते १४ जुलै रात्री ११ वाजेपर्यंत जेजुरी मार्गे जाणारी सर्व वाहतूक बेलसर-कोथळे चौक-कोथळेगाव-नाझरे-काळा ओढा-मोरगाव किंवा नाझरे-पांडेश्वर-सुपा-मोरगाव मार्गे वळवण्यात आली आहे.

पारगाव मेमाणे चौक, जेजुरी: १२ जुलै सकाळी ५ ते १४ जुलै रात्री ११ वाजेपर्यंत बेलसर-कोथळे चौक-कोथळेगाव-नाझरे-काळा ओढा-मोरगाव किंवा नाझरे-पांडेश्वर-सुपा-मोरगाव मार्गे वाहतूक वळवण्यात आली आहे.

सुपा पोलीस स्टेशन, मोरगाव: १३ जुलै सकाळी ५ ते १५ जुलै रात्री ११ वाजेपर्यंत निराकडून जेजुरीमार्गे पुण्याकडे जाणारी वाहतूक मोरगाव-सुपा-केडगाव चौफुला-सोलापूर महामार्गे वळवण्यात आली आहे.

वडगाव निंबाळकर पोलीस स्टेशन: १४ जुलै सकाळी ५ ते १५ जुलै रात्री ११ वाजेपर्यंत निंबुत-मुरुम-काळज मार्ग लोणंद अशी वाहतूक वळवण्यात आली आहे.

सासवड पोलीस स्टेशन: १३ जुलै सकाळी ५ ते १५ जुलै रात्री ११ वाजेपर्यंत पुण्यातून जेजुरीमार्गे सातारा, फलटणकडे जाणारी वाहतूक सासवड-नारायणपूर-कापूरहोळ किंवा सासवड-वीर फाटा-परिंचे-वीर-वाठार कॉलनी मार्गे वळवण्यात आली आहे. तसेच, १३ जुलै सकाळी ५ ते १४ जुलै रात्री ११ वाजेपर्यंत बारामतीकडे जाणारी वाहतूक सासवड-पारगाव मेमाणे-पिसर्वे-सुपा मार्गे वळवण्यात आली आहे.

प्रशासनाने नागरिकांना आणि पर्यटकांना या पर्यायी मार्गांचा वापर करण्याचे आणि वारी कालावधीत सहकार्य करण्याचे आवाहन केले आहे.

• Labels: Palkhi Sohala 2026, Traffic Diversion, Pune Rural Police, Wari 2026, Maharashtra Traffic Update

• Search Description: Traffic diversions on Pune-Pandharpur highway due to Sant Dnyaneshwar Maharaj Palkhi Sohala 2026. District Collector Jitendra Dudi has issued official notification for alternative routes.

• Hashtags: #PalkhiSohala2026 #PuneTraffic #Wari2026 #TrafficDiversion #MaharashtraNews #JitendraDudi #PuneRural