मोशी कचरा डेपो दुर्घटना: ९ कामगारांचा बळी; ८१ तासांच्या अथक बचाव कार्याची अखेर

पिंपरी : पिंपरी-चिंचवडमधील मोशी कचरा डेपो येथे कचऱ्याचा डोंगर कोसळून घडलेल्या दुर्घटनेत ९ कामगारांचा मृत्यू झाला असून, तब्बल ८१ तासांनंतर बचाव आणि शोध कार्य अधिकृतपणे थांबवण्यात आले आहे. वेस्ट टू एनर्जी प्रकल्पाची प्रशासकीय इमारत जमीनदोस्त झाल्यामुळे ही मोठी दुर्घटना घडली होती. एनडीआरएफ, लष्कर आणि अग्निशमन दलाच्या पथकांनी युद्धपातळीवर राबवलेल्या शोध मोहिमेनंतर सर्व नऊ अडकलेल्या कामगारांचे मृतदेह बाहेर काढण्यात यश आले आहे.

या भीषण घटनेने संपूर्ण राज्य हादरले आहे. सुरुवातीला सुदैवाने १४ लोक सुरक्षित बाहेर पडले होते, परंतु दुर्दैवाने ९ कामगारांना आपले प्राण गमवावे लागले. 

भावेश वाणी,अक्षय सावंत (वय ३५, मोशी), सुनील कोरके (वय ४०, आळंदी), सन्नी माने (वय ३९, गंधर्वनगरी, मोशी), महेश कुंभार (वय ३३, छत्रपती संभाजीनगर), नागेश गायकवाड (वय २६, संजय गांधी नगर, मोशी), रणजीत पाटील (वय २२, मोशी) तसेच राहुल गायकवाड (वय ३५, मोशी) व वामन कसबे यांचा मृत्यू  या दुर्घटनेत झाला आहे.

मध्यरात्री एक वाजता हे शोध कार्य संपुष्टात आणण्यात आले. या दुर्घटनेनंतर आता गंभीर प्रश्न उपस्थित केले जात आहेत. केवळ एका मजल्याची परवानगी असताना त्या इमारतीवर अतिरिक्त दोन मजले कसे चढवले गेले, हा सर्वात मोठा प्रश्न आहे. अनधिकृत बांधकाम कोणाच्या आशीर्वादाने झाले आणि यामध्ये जबाबदार पालिका अधिकारी कोण आहेत, याची आता सखोल चौकशी होणे आवश्यक आहे.

मृतांच्या नातेवाईकांनी आता न्याय आणि भरपाईची मागणी लावून धरली आहे. मृतांच्या कुटुंबीयांना केवळ आर्थिक मदत नको, तर कुटुंबातील सदस्यांना सरकारी नोकरी मिळावी, अशी त्यांची प्रमुख मागणी आहे. एनडीआरएफच्या जवानांनी ८१ तास न थांबता हे शोध कार्य सुरू ठेवले होते. आता शोध कार्य संपले असले तरी, प्रशासकीय जबाबदारी निश्चिती आणि दोषींवर कारवाईचा मुद्दा कायम आहे. निष्पाप कामगारांचा जीव घेणाऱ्या या निष्काळजीपणाबद्दल जनमानसात तीव्र संताप व्यक्त केला जात आहे.

• Labels: Moshi Accident, Pimpri Chinchwad, Building Collapse, Administration, NDRF, Rescue Operation, Justice for Victims.

• Search Description: Death toll in Moshi waste depot building collapse reaches 9 after 81 hours of rescue operations. Questions raised over illegal construction and administrative negligence.

• Hashtags: #MoshiCollapse #PimpriChinchwad #JusticeForWorkers #RescueMission #AdministrativeNegligence #MaharashtraNews