कासारसाई धरण ७५ टक्के भरले; कासारसाई आणि मुळा नदी खोऱ्यातील सखल भागांना सतर्कतेचा इशारा

पुणे : पुणे जिल्ह्यात सर्वत्र सुरू असलेल्या मुसळधार पावसामुळे धरणांमधील पाणीसाठ्यात वेगाने वाढ होत आहे. पुणे पाटबंधारे विभागाचे कार्यकारी अभियंता  दिगंबर. डुबल यांनी दिलेल्या ताज्या माहितीनुसार, आज ६ जुलै २०२६ रोजी दुपारी ११:३० वाजता कासारसाई धरण ७५.६५% क्षमतेने भरले आहे. धरण क्षेत्रात पावसाचा जोर सतत कायम असल्यामुळे धरणाची पाणी पातळी झपाट्याने वाढत आहे.

 
पावसाचा हाच जोर कायम राहिल्यास अथवा वाढल्यास, धरणाची पातळी नियंत्रित ठेवण्यासाठी परिस्थितीनुसार कोणत्याही क्षणी कासारसाई धरणाच्या सांडव्यावरून कासारसाई नालापात्रामध्ये पाण्याचा विसर्ग सुरू करावा लागेल, असा इशारा प्रशासनाने दिला आहे. या विसर्गामुळे नालापात्र आणि पुढे मुळा नदी खोऱ्यातील पाणी पातळीत वाढ होऊ शकते.

या पार्श्वभूमीवर, पाटबंधारे विभागाने कासारसाई नाला आणि नदीपात्रालगतच्या सखल भागातील नागरिकांना तातडीने सुरक्षिततेच्या सूचना देण्याचे आदेश स्थानिक प्रशासनाला दिले आहेत. तसेच, कोणत्याही नागरिकाने नदी अथवा नालापात्रात उतरू नये आणि पात्रात काही तत्सम साहित्य किंवा जनावरे असल्यास ती तात्काळ सुरक्षित ठिकाणी हलवावीत, असे जाहीर आवाहन करण्यात आले आहे. नागरिकांनी संभाव्य पूर परिस्थिती लक्षात घेऊन योग्य ती खबरदारी व दक्षता बाळगावी, असे कार्यकारी अभियंत्यांनी स्पष्ट केले आहे.



Labels: Kasarsai Dam, Pune Water Discharge, Maval Monsoon, Irrigation Department Alert, Flood Warning, Pune Rains

Search Description: Kasarsai Dam in Pune district has reached 75.65% capacity as of July 6 due to continuous heavy rainfall. Executive Engineer Er. Digamber Dubal has issued an alert stating that water discharge into the Kasarsai stream may start at any moment. Residents in low-lying areas and riverbanks are advised to stay vigilant.

Hashtags: #KasarsaiDam #PuneRains #DamDisasterAlert #MavalMonsoon #WaterDischarge #SafetyFirst #AstraNewsNetwork