कथित लव्ह जिहाद प्रकरणावरून तणाव; तरुणीच्या सुटकेसाठी नागरिकांचा ठिय्या

कागल : कागल तालुक्यात माकवे येथील एका तरुणीला फूस लावून पळवून नेल्याच्या कथित लव्ह जिहाद प्रकरणावरून परिसरात तणावाचे वातावरण निर्माण झाले होते. ही तरुणी कॉलेजला गेली असता घरी परतली नाही, त्यानंतर पालकांनी तिचा शोध घेतला असता संबंधित प्रकार समोर आला. या घटनेमुळे संतप्त झालेल्या नागरिकांनी आणि महिलांनी एकत्र येत कागलमध्ये तीव्र संताप व्यक्त केला.

तरुणीला तातडीने शोधून पालकांच्या ताब्यात द्यावे, या मागणीसाठी शेकडो नागरिकांनी हसन मुश्रीफ यांच्या निवासस्थानी धाव घेतली. जमावाने यावेळी जोरदार घोषणाबाजी करत जोपर्यंत तरुणी मिळत नाही, तोपर्यंत येथून हलणार नाही, असा पवित्रा घेतला होता. नागरिकांच्या भावना लक्षात घेता हसन मुश्रीफ यांनी कागल पोलीस निरीक्षक यांना कायदेशीर प्रक्रियेनुसार तरुणीला तिच्या पालकांच्या ताब्यात देण्याच्या सूचना दिल्या. यानंतर पोलिसांनी तातडीने कार्यवाही करत तरुणीला शोधून पालकांच्या ताब्यात दिले.

तरुणीला पळवून नेणाऱ्या युवकावर कठोर कारवाई करावी, अशी मागणी यावेळी नागरिकांनी केली. या घटनेनंतर मोठ्या संख्येने नागरिक कागल पोलीस ठाण्याच्या आवारात जमा झाले होते, ज्यामुळे पोलीस ठाणे परिसरात तणाव निर्माण झाला होता. कायदा आणि सुव्यवस्था अबाधित राखण्यासाठी पोलिसांकडून मोठा बंदोबस्त तैनात करण्यात आला होता.

यावेळी गोकुळचे संचालक अमरीश घाडगे यांनी जमावाला शांततेचे आवाहन केले. तसेच गोकुळचे संचालक नावेद मुश्रीफ, जिल्हा परिषदचे माजी सदस्य मनोज फराकटे, शिवानंद माळी, ए. वाय. पाटील आणि माकवेकर यांनी पोलीस ठाण्याला भेट देऊन या प्रकरणात लक्ष घालण्याची मागणी प्रशासनाकडे केली.

• Labels: Kagal News, Love Jihad Case, Protest, Social Tension, Kagal Police, Law and Order.

• Search Description: Tension erupted in Kagal after a girl was allegedly lured away, leading to a protest by citizens and her subsequent recovery by police.

• Hashtags: #Kagal #LoveJihadCase #Protest #PoliceAction #LawAndOrder #KagalNews