अनेक हिंदुत्वनिष्ठ संघटनांचे संघटित यश; महात्मा फुले वाड्यामध्ये उत्साहपूर्ण वातावरणात वटपौर्णिमा पूजन !

 

पुणे,दिनांक २९ जून : पुण्यातील ऐतिहासिक महात्मा फुले वाडा येथे यंदाची वटपौर्णिमा अत्यंत उत्साहात साजरी करण्यात आली. पुरातत्व विभागाने वटवृक्ष पूजनावर घातलेली बंदी हिंदूंच्या संघटित प्रयत्नांमुळे प्रशासनाला मागे घ्यावी लागली, हिंदूंच्या संघटित शक्तीच्या विजयामुळे हा कार्यक्रम मोठ्या दिमाखात पार पडला.

पुरातत्व विभागाने फुले वाड्यातील पारंपारिक वटपूजनावर बंदी घालणारा आदेश काढला होता. या निर्णयाविरुद्ध हिंदु जनजागृती समिती, राष्ट्रभक्त अधिवक्ता समिती, रणरागिणी शाखा,विश्व हिंदु परिषद, दुर्गा वाहिनी आणि स्थानिक महिला यांनी तीव्र लढा दिला. या सर्वांच्या संघटित प्रयत्नांमुळे अखेर प्रशासनाला नमते घ्यावे लागले आणि ही बंदी उठवण्यात आली. 

या कार्यक्रमात भारतीय जनता पक्षाच्या राज्यसभा खासदार प्रा. डॉ. सौ. मेधा कुलकर्णी याही सहभागी झाल्या आणि त्यांनीही वटपूजन केले. वटपौर्णिमा हा केवळ सण नसून तो निसर्ग संवर्धनाचा वैज्ञानिक संदेश देणारा सण आहे, असे मत त्यांनी यावेळी व्यक्त केले.मुला-मुलींवर होणारे संस्कार, पालकांशी असलेला संवाद आणि कौटुंबिक मूल्यांचे जतन करण्याची आज नितांत आवश्यकता आहे.तसेच त्यांनी सनातन भारतीय संस्कृती आणि संस्कारांचे महत्त्वही अधोरेखित केले

सौ. उज्वला गौड (सरचिटणीस, भारतीय महिला मोर्चा, पुणे शहर) यांनी सनातन धर्मात वटवृक्षाला साक्षात श्री विष्णूंचे रूप मानले जाते अशी श्रद्धा असल्याचे मत व्यक्त करत सत्यवान आणि सावित्री या पौराणिक कथेचा संदर्भ दिला.

या प्रसंगी हिंदु जनजागृती समितीच्या रणरागिणी शाखेच्या कु. क्रांती पेटकर म्हणाल्या की, "काही संघटनांनी येथे पूजन बंद करण्याची मागणी केली होती आणि त्यानुसार पुरातत्व विभागाने आदेशही दिले होते. मात्र, स्थानिक महिला, विविध हिंदुत्वनिष्ठ संघटना आणि खासदार प्रा.डॉ.मेधाताई कुलकर्णी या सर्वांच्या प्रयत्नांमुळेच आज येथे पुन्हा एकदा पूजा उत्साहात संपन्न होऊ शकली".

या यशस्वी सोहळ्यात हिंदु जनजागृती समिती, रणरागिणी शाखा, सकल हिंदू समाज,स्थानिक नगरसेविका ऐश्वर्या थोरात, मृणाल कांबळे, स्नेहा माळवदे,सौ.उज्वला गौड, सरचिटणीस, भारतीय महिला मोर्चा, पुणे शहर

आणि मोठ्या संख्येने स्थानिक महिला सहभागी झाल्या होत्या.

स्थानिक महिलांनी उपस्थित मान्यवरांचा सत्कार यावेळी केला तसेच खासदार प्रा. डॉ.मेधाताई कुलकर्णी यांनी उपस्थित काही महिलांचा सत्कारही केला.

Labels: Pune News, Mahatma Phule Wada, Vat Purnima 2026, Medha Kulkarni MP, Hindu Janajagruti Samiti, Archeological Department Pune, Cultural Festivals Maharashtra

Search Description: Women and Hindu organizations successfully celebrate Vat Purnima at the historic Mahatma Phule Wada in Pune after the Archaeological Department lifts its controversial ban.

Hashtags: #VatPurnima2026 #PhuleWadaPune #MedhaKulkarni #HinduUnity #PuneFestivals #CulturalHeritage #BreakingNews