महावितरणचा अतिरिक्त कार्यकारी अभियंता लाच घेताना एसीबीच्या जाळ्यात!

 

पुणे/हडपसर, दि. ८ जून २०२६: पुण्यातील हडपसर येथील महावितरण उपविभाग-२ चे अतिरिक्त कार्यकारी अभियंता (वर्ग-१) रामचंद्र नारायण लोंढे यांना नवीन वीजमीटर जोडणी करून देण्याच्या मोबदल्यात ७,५०० रुपयांची लाच स्वीकारताना लाचलुचपत प्रतिबंधक विभागाने (ACB) रंगेहात अटक केली आहे. हडपसर उपविभाग दोन येथील महावितरणच्या शासकीय कार्यालयातच ४ जून २०२६ रोजी दुपारी १३.०६ वाजण्याच्या सुमारास हा धडक सापळा रचण्यात आला होता. या प्रकरणी आरोपी लोकसेवक रामचंद्र लोंढे यांच्याविरुद्ध पुणे शहर पोलीस आयुक्तालयाच्या अंतर्गत फुरसुंगी पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्यात आला आहे.

या प्रकरणाची सविस्तर पार्श्वभूमी अशी की, तक्रारदार हे इलेक्ट्रिकल सब-कॉन्ट्रॅक्टर असून ते महावितरणाची कामे करतात. त्यांनी केलेल्या नवीन १२ वीजमीटर जोडणीच्या कामाचे प्रतिमीटर १,००० रुपये प्रमाणे एकूण १२,००० रुपयांची लाचेची मागणी अभियंता रामचंद्र लोंढे यांनी केली होती. याशिवाय, तक्रारदाराला मिळालेल्या अन्य एका नवीन इमारतीच्या वीज कनेक्शनच्या कामासाठी देखील ५०,००० रुपयांची वेगळी लाच मागितली होती. या जाचाला कंटाळून तक्रारदाराने २ जून २०२६ रोजी पुणे लाचलुचपत प्रतिबंधक विभागाकडे (ACB) रीतसर तक्रार नोंदवली.

तक्रार प्राप्त झाल्यानंतर 'एसीबी'च्या पथकाने २ जून रोजीच लाच मागणीची पडताळणी (Verification) केली. या पडताळणी दरम्यान आरोपी लोंढे यांनी १२,००० रुपये लाचेच्या मागणीपैकी ४,५०० रुपये यापूर्वीच स्वीकारल्याचे मान्य केले आणि उर्वरित ७,५०० रुपयांची लाच तात्काळ आणून देण्यास सांगितले. त्यानुसार, ४ जून २०२६ रोजी दुपारी १३.०६ वाजेच्या सुमारास हडपसर येथील कार्यालयात जसा तक्रारदाराने उर्वरित ७,५०० रुपयांची लाचेची रक्कम रामचंद्र लोंढे यांच्याकडे सुपूर्द केली, तसे दबा धरून बसलेल्या लाप्रवि पुणेच्या पथकाने त्यांना रंगेहात ताब्यात घेतले.

सदरची कारवाई लाप्रवि पुणे परिक्षेत्राचे पोलीस अधीक्षक श्री. शिरीष सरदेशपांडे, अपर पोलीस अधीक्षक श्री. अजित पाटील आणि श्री. अर्जुन भोसले यांच्या मार्गदर्शनाखाली पोलीस निरीक्षक अविनाश घरबुडे, तपास अधिकारी सुहास हट्टेकर व अंमलदारांच्या पथकाने केली आहे. शासकीय काम करण्यासाठी कायदेशीर फी व्यतिरिक्त लाचेची मागणी केल्यास नागरिकांनी तात्काळ एसीबीच्या टोल फ्री क्रमांक किंवा व्हॉट्सॲप नंबर ९४०३७८१०६४ वर संपर्क साधण्याचे आवाहन पोलीस अधीक्षक शिरीष सरदेशपांडे यांनी केले आहे.

• Labels: Pune ACB Trap, MSEDCL Engineer Arrested, Ramchandra Londhe Bribery, Fursungi Police Station, Corruption Case Hadapsar, Maharashtra State Electricity Distribution.

• Search Description: MSEDCL Fursungi/Hadapsar Sub-division-2 Additional Executive Engineer Ramchandra Narayan Londhe (Class-1) has been caught red-handed by Pune ACB while accepting a bribe of Rs 7,500.

• Hashtags: #PuneACB #MSEDCL #HadapsarCrime #BriberyCase #AntiCorruptionBureau #FursungiPolice #ShirishSardeshpande #CorruptionFree

•