मावळमधील वीज समस्येवर कायमस्वरूपी तोडगा काढा; खासदार श्रीरंग बारणे यांचे महावितरणला कडक निर्देश

 

पनवेल, दि. १५ जून २०२६ (विशेष वृत्त प्रतिनिधी): मावळ लोकसभा मतदारसंघातील पनवेल, उरण, नेरळ आणि कर्जत या भागातील वीज समस्येवर महावितरणच्या अधिकाऱ्यांनी तातडीने कायमस्वरूपी तोडगा काढावा. भविष्यात कोणत्याही भागात १० ते १२ तास वीज जाण्यासारख्या गंभीर घटना घडू नयेत आणि सर्वसामान्य ग्राहकांना नाहक त्रास सोसावा लागू नये, यासाठी डीपीची (DP) क्षमता त्वरित वाढवावी, असे कडक निर्देश मावळचे खासदार श्रीरंग बारणे यांनी दिले आहेत. महावितरणाचा कोणताही गलथान कारभार यापुढे खपवून घेतला जाणार नाही, असा थेट इशाराही त्यांनी दिला. पनवेल, उरण, नेरळ आणि कर्जत परिसरातील वीजविषयक गंभीर समस्यांबाबत खासदार श्रीरंग बारणे यांच्या अध्यक्षतेखाली पनवेल महानगरपालिकेत सोमवारी एक महत्त्वाची आढावा बैठक पार पडली, त्याप्रसंगी उपस्थित वरिष्ठ अधिकाऱ्यांना मार्गदर्शन करताना ते बोलत होते.

या उच्चस्तरीय बैठकीला विद्युत अधीक्षक अभियंता दीपक पाटील, अधीक्षक अभियंता धीरज बिक्कड, कार्यकारी अभियंता (पनवेल शहर) जितेंद्र माने, कार्यकारी अभियंता (पनवेल ग्रामीण) देशमुख, कार्यकारी उपअभियंता संजय ठाकूर, उपकार्यकारी अभियंता (पनवेल शहर) श्रीनिवास बोबडे, उपकार्यकारी अभियंता (कर्जत) चंद्रकांत केंद्रे, उपकार्यकारी अभियंता (खालापूर) अमित कुरंगळे, उपकार्यकारी अभियंता (खोपोली) वाघमोडे उपस्थित होते. तसेच लोकप्रतिनिधी व राजकीय पदाधिकाऱ्यांमध्ये नगरसेवक रामदास शेवाळे, नगरसेवक प्रथमेश सोमण, नगरसेविका सायली तुकाराम सरक, शिवसेना कळंबोली शहरप्रमुख तुकाराम सरक, जगदीश ठाकूर, युवासेना उत्तर पनवेल जिल्हाप्रमुख रोशन पुजारी, भरत जाधव आणि परमेश्वर काळे आदी मान्यवर उपस्थित होते. या बैठकीत पनवेल शहरातील कामोठे, कळंबोली आणि खांदा कॉलनी या भागातील वीज पुरवठा सुरळीत करण्याबाबत अधिकाऱ्यांना स्पष्ट सूचना देण्यात आल्या, तसेच तिन्ही विभागांतील वीज प्रवाहित करण्याच्या कामांचा सविस्तर आढावा घेण्यात आला.

बैठकीत वीज यंत्रणेच्या भविष्यातील सक्षमीकरणाचा आराखडा मांडताना खासदार श्रीरंग बारणे म्हणाले की, मागील आठ दिवसांपूर्वी पनवेल शहरी भागात मोठी वीज समस्या निर्माण झाली होती. दिशा कमिटीच्या बैठकीत वेळोवेळी सूचना देऊनही कामात दिरंगाई चालणार नाही. ज्या भागात ग्राहक संख्या वाढते, तिथे सबस्टेशन वाढविणे गरजेचे आहे; यासाठी केंद्र व राज्य शासनाकडून मोठा निधी उपलब्ध होतो. या परिसरात पुरेशी जागा उपलब्ध झाली असून, शहरी भागात चार ठिकाणी आणि ग्रामीण भागात तीन ठिकाणी अशी एकूण ७ नवीन सबस्टेशन्स उभारण्यात येणार आहेत. पुढील तीन महिन्यांत हे काम पूर्ण करण्याचे उद्दिष्ट असून, पावसाळ्यापूर्वी सर्व जीर्ण विद्युत वाहिन्या बदलण्यात येतील. कामोठे येथील ५ केव्हीचे विद्युत उपकेंद्र पूर्ण झाले असून २२० केव्हीचे उपकेंद्र सुरू असल्याचा मोठा फायदा खारघर परिसराला होणार आहे. तसेच, पनवेल शहरी भागात १५५ कोटी रुपयांचा अंडरग्राउंड केबलचा प्रस्ताव शासनाकडे मंजुरीसाठी पाठवण्यात आला असून, यामुळे शहरातील वीज यंत्रणा पूर्णपणे आधुनिक व अखंडित होणार आहे.

• Labels: Shrirang Barne MP, Maval Lok Sabha, Panvel Electricity Crisis, MahaVitaran Review Meeting, Panvel Underground Cable Project, Substation Development 2026

• Search Description: Maval MP Shrirang Barne issued strict directives to MahaVitaran officials during a review meeting at Panvel PMC, warning against negligence and fast-tracking a ₹155 crore underground cabling project.

• Hashtags: #ShrirangBarne #MavalConstituency #PanvelNews #MahaVitaran #ElectricityIssue #UndergroundCables #InfrastructureDevelopment #PublicService2026