पुणे (प्रांतीय वृत्त): कोथरूड पोलिसांनी एका मोठ्या कारवाईत रेकॉर्डवरील तीन सराईत आरोपींना अटक करून त्यांच्याकडून ४ गावठी पिस्तूल, १२ जिवंत काडतुसे आणि १ ॲक्टिव्हा गाडी असा एकूण २,३२,००० रुपये किमतीचा मुद्देमाल जप्त केला आहे. कमीन्स कंपनीच्या कंपाऊंडच्या पाठीमागील बाजूस एक इसम कंबरेला पिस्तूल लावून संशयास्पदरीत्या उभा असल्याची माहिती अंमलदार शकील पठाण आणि संजय दहिभाते यांना त्यांच्या गोपनीय बातमीदाराकडून मिळाली होती. या माहितीच्या आधारे सहाय्यक पोलीस निरीक्षक सुधीर घुले आणि त्यांच्या कर्मचाऱ्यांनी पंचांसह घटनास्थळी छापा टाकून दोघांना ताब्यात घेतले.
ताब्यात घेतलेल्या आरोपींची नावे निशांत रमेश सातपुते आणि संकेत प्रकाश निवंगुणे अशी असून, निशांतच्या झडतीत एक गावठी पिस्तूल आणि ३ जिवंत काडतुसे जप्त करण्यात आली. हे पिस्तूल त्याने संकेत निवंगुणे याच्याकडून विकत घेतल्याचे कबूल केले. याप्रकरणी कोथरूड पोलीस ठाण्यात शस्त्र कायद्यान्वये गुन्हा नोंदवून अटक करण्यात आलेल्या संकेतची अधिक चौकशी केली असता, त्याचा साथीदार श्रावण पवार याच्याकडेही पिस्तूल असल्याची माहिती मिळाली. पोलिसांनी तात्काळ श्रमिक वसाहत वारजे येथून श्रावण नितीन पवार याला अटक करून त्याच्या ॲक्टिव्हा गाडीच्या डिक्कीतून आणखी ३ गावठी पिस्तूल आणि ९ राऊंड जप्त केले. ही कामगिरी अपर आयुक्त राजेश बनसोडे, उपायुक्त सागर कवडे, सहाय्यक आयुक्त सुजाता तानवडे यांच्या मार्गदर्शनाखाली वरिष्ठ निरीक्षक अरुण घोडके, निरीक्षक (गुन्हे) अनिल माने, सुनील कारोटे आणि सहाय्यक निरीक्षक सुधीर घुले यांच्या पथकाने केली.
Labels: Arms Act Case, Illegal Weapons Seized, Kothrud Police, Pune Crime, Pistol Seized.
Search Description: Kothrud police arrested three record criminal suspects and seized 4 country-made pistols along with 12 live cartridges in Pune.
Hashtags: #IllegalWeapons #PistolSeized #KothrudPolice #PuneCrime #ArmsAct #LawAndOrder #SinghamAction
कोणत्याही टिप्पण्या नाहीत:
टिप्पणी पोस्ट करा