तोतया सीबीआय अधिकारी बनून व्यापाऱ्याला लुटणारी दुक्कल गजाआड

 

अकोला: बाळापूर शहरातील बस स्थानक परिसरात काल एका व्यापाऱ्याच्या नोकराला अडवून, सीबीआय अधिकारी असल्याचे भासवत २५ लाख रुपयांची रोख रक्कम लुटणाऱ्या दोन अट्टल आरोपींना अकोला पोलिसांच्या स्थानिक गुन्हे शाखेने अवघ्या १२ तासांत अटक केली आहे. हार्दिक गुरबाणी आणि साहिल लक्तानी (दोघे रा. खामगाव, वय २५ वर्षे) अशी अटक करण्यात आलेल्या आरोपींची नावे आहेत. स्थानिक गुन्हे शाखेच्या पथकाने आरोपींकडून लुटलेली १०० टक्के रक्कम म्हणजेच २५ लाख रुपये रोख, गुन्ह्यात वापरलेली बनावट सीबीआय आयकार्ड्स, तीन मोबाईल फोन आणि दोन दुचाकी वाहने असा एकूण २७ लाख ५० हजार रुपयांचा मुद्देमाल जप्त केला आहे, अशी माहिती अकोला जिल्हा पोलीस अधीक्षक अर्चित चांडक यांनी आज पत्रकार परिषदेत दिली.

बाळापूर पोलीस ठाण्याच्या हद्दीत काल रात्री ही लुटीची घटना घडली होती. फिर्यादी व्यापाऱ्याचा नवीन नोकर २५ लाख रुपयांची रोकड असलेली बॅग घेऊन बस स्थानकावरून जात असताना, आरोपींनी त्याला अडवले. स्वतः सीबीआयचे अधिकारी असल्याचे सांगत बनावट ओळखपत्र दाखवून आरोपींनी जबरदस्तीने पैशांची बॅग हिसकावून घेतली आणि पळ काढला. या घटनेची तक्रार बाळापूर पोलीस ठाण्यात दाखल होताच विविध कलमांन्वये गुन्हा नोंदवण्यात आला. घटनेचे गांभीर्य ओळखून अधीक्षक अर्चित चांडक यांनी स्थानिक गुन्हे शाखेचे विशेष पथक तातडीने रवाना केले होते.

स्थानिक गुन्हे शाखेचे प्रभारी अधिकारी लेवरकर यांच्या नेतृत्वाखालील अधिकारी आणि अंमलदारांच्या पथकाने तांत्रिक तपास व गुप्त बातमीदारांच्या आधारे वेगाने चक्र फिरवून अवघ्या १२ तासांत दोन्ही आरोपींना जेरबंद केले. तपासात समोर आले की, अटक करण्यात आलेल्या दोन आरोपींपैकी एक आरोपी हा ६ महिन्यांपूर्वी फिर्यादी व्यापाऱ्याच्याच किराणा दुकानात काम करत होता. मालकाचा नवीन नोकर मोठी रक्कम घेऊन जाणार असल्याची पूर्ण माहिती असल्याने त्यानेच हा लुटीचा कट रचला होता. या आरोपींवर यापूर्वीही गुन्हे दाखल असल्याची माहिती पोलिसांनी दिली आहे.

पोलिसांनी या गुन्ह्यातील १०० टक्के रक्कम आणि वापरलेली वाहने जप्त करून उल्लेखनीय कामगिरी केली आहे. अटक केलेल्या दोन्ही आरोपींना आज न्यायालयात हजर करून पोलीस कस्टडी रिमांड (पीसीआर) घेण्यात येणार असून, पुढील सखोल तपास बाळापूर पोलीस करत आहेत. स्थानिक गुन्हे शाखेच्या या कौतुकास्पद कामगिरीबद्दल अधीक्षक अर्चित चांडक यांनी संपूर्ण पथकाचे विशेष अभिनंदन केले आहे.

• Labels: Akola Police, Fake CBI Officer, Balapur Robbery Case, Archit Chandak SP, Local Crime Branch Akola, Khamgaon Accused, Gold and Cash Theft.

• Search Description: Akola Local Crime Branch arrested two accused from Khamgaon for robbing Rs 25 Lakhs by posing as fake CBI officers at Balapur bus stand.

• Hashtags: #AkolaPolice #FakeCBI #RobberyCase #CrimeBranch #AkolaNews #ActionWithin12Hours #PoliceAcheivement