पुण्यात भरदिवसा गँंगवॉरचा थरार! आंदेकर-कोमकर टोळीयुद्धात चौथी हत्या

पुणे: पुण्यातील कुप्रसिद्ध आंदेकर आणि कोमकर टोळीमधील रक्तरंजित गँगवॉरमधून आज (२० मे २०२६) सकाळी १० वाजण्याच्या सुमारास धनकवडी जवळील बालाजीनगर येथील गजबजलेल्या रिक्षा स्टँडवर एका तरुणाची निर्घृण हत्या करण्यात आली. अक्षय उर्फ बाळा मस्के (रा. आंबेगाव पठार, पुणे) असे हत्या झालेल्या दुर्दैवी तरुणाचे नाव असून, तो माजी नगरसेवक वनराज आंदेकर खून प्रकरणातील एका आरोपीचा भाऊ असल्याची प्राथमिक माहिती समोर आली आहे. भरदिवसा झालेल्या या गोळीबार आणि कोयत्याच्या हल्ल्यामुळे संपूर्ण पुणे शहरात प्रचंड खळबळ उडाली असून, कायदा व सुव्यवस्थेवर गंभीर प्रश्नचिन्ह उपस्थित झाले आहे.

भरचौकात पाळत ठेवून हल्ला

प्रत्यक्षदर्शी आणि पोलिसांनी दिलेल्या माहितीनुसार, अक्षय मस्के हा नेहमीप्रमाणे सकाळी बालाजीनगर परिसरातील रिक्षा स्टँडजवळ थांबला होता. तो आधीपासूनच मारेकऱ्यांच्या रडारवर होता. त्याच्यावर पाळत ठेवून पाठीमागून आलेल्या अज्ञात हल्लेखोरांनी अचानक पिस्तूल काढून त्याच्यावर अंदाधुंद ३ गोळ्या झाडल्या. गोळ्या लागताच अक्षय रक्ताच्या थारोळ्यात जमिनीवर कोसळला. तो खाली पडल्यानंतरही हल्लेखोरांचे समाधान झाले नाही; त्यांनी अत्यंत क्रूरपणे त्याच्या तोंडावर आणि शरीरावर कोयत्याने सपासप वार केले. अक्षयचा जागीच मृत्यू झाल्याची खात्री पटल्यानंतरच मारेकरी घटनास्थळावरून पसार झाले.

आंदेकर-कोमकर टोळीयुद्धाचा 'सूड पॅटर्न'

माजी नगरसेवक वनराज आंदेकर यांच्या हत्येनंतर पुण्याच्या रस्त्यावर झालेली ही सलग चौथी हत्या आहे. पुण्यातील गुन्हेगारी विश्वाचा हा एक नवा आणि भयंकर पॅटर्न बनला आहे, जिथे मूळ आरोपी कारागृहात सुरक्षित आहेत, मात्र बाहेर त्यांच्या निष्पाप नातेवाईकांना शोधून-शोधून संपवले जात आहे.

1. (सप्टेंबर २०२५): वनराज आंदेकर यांच्या खुनाचा बदला म्हणून आरोपी गणेश कोमकरचा १८ वर्षांचा मुलगा आयुष कोमकर याच्यावर ११ गोळ्या झाडून त्याची हत्या करण्यात आली.

2.  (नोव्हेंबर २०२५): वनराज आंदेकर खून प्रकरणात पिस्तूल पुरवणाऱ्या समीर काळेचा निष्पाप भाऊ गणेश काळे (रिक्षाचालक) याच्यावर ९ गोळ्या झाडून आणि कोयत्याने वार करून खून करण्यात आला.

3. आज झालेली अक्षय मस्केची हत्या हा याच साखळीचा आणि सूडाच्या प्रवासाचा भाग असल्याचे बोलले जात आहे.

घटनास्थळी फॉरेन्सिक टीम दाखल, नागरिकांमध्ये दहशत

घटनेची माहिती मिळताच पुणे पोलीस दलातील वरिष्ठ अधिकारी आणि फॉरेन्सिक  (न्यायवैद्यक) टीम तातडीने घटनास्थळी दाखल झाली. पोलिसांनी घटनास्थळावरून गोळ्यांच्या पुंगळ्या जप्त केल्या, परिसरात पंचनामा सुरू केला. "सकाळी पावणे दहाच्या सुमारास अचानक गोळ्यांचे आणि ओरडण्याचे आवाज आले. परिसरात प्रचंड भीतीचे वातावरण असून, स्थानिक महिलांनी सुरक्षिततेसाठी आपल्या लहान मुलांना घरामध्ये कोंडून कवाडे लावून घेतली. पोलिसांनी या टोळ्या तात्काळ संपवाव्यात," अशी संतप्त प्रतिक्रिया एका स्थानिक प्रत्यक्षदर्शी महिलेने दिली.

पाच दशकांचा रक्तरंजित इतिहास

पुण्यातील नानापेठ, भवानी पेठ आणि सोमवार पेठ भागात गेली चार दशके सूर्यकांत उर्फ बंडू आंदेकर याच्या टोळीची दहशत आहे. कौटुंबिक संपत्तीचा वाद, बहिणींशी झालेला टपरीचा वाद यातून दोन सख्ख्या बहिणींनी (संजीवनी आणि कल्याणी) आणि मेव्हण्यांनी मिळून माजी नगरसेवक वनराज आंदेकर यांची अवघ्या १० सेकंदात गोळ्या झाडून हत्या केली होती. तेव्हापासून सुरू झालेला हा कौटुंबिक आणि टोळी युद्धाचा रक्तरंजित संघर्ष आता पुण्याच्या इतर उपनगरांमध्येही पसरला असून, तो थांबवण्याचे मोठे आव्हान पुणे पोलिसांसमोर उभे ठाकले आहे.

• Labels: Pune Crime, Gang War, Balajinagar Firing, Andekar Gang, Pune Police, Law and Order, Breaking News

• Search Description: A shocking gang war incident shook Pune as Akshay alias Bala Maske was shot dead and attacked with choppers in broad daylight at Balajinagar. This is the 4th murder following the Vanraj Andekar homicide.

• Hashtags: #PuneCrime #GangWar #BalajinagarFiring #AndekarGang #PuneNews #LawAndOrder #BreakingNewsPune

•