कात्रज चौक ते पिसोळी या ८४ मीटर रुंदीच्या विकास आराखड्यातील (DP Road) रस्त्यापैकी ५० मीटर रस्त्याच्या भूसंपादनाची प्रक्रिया शासनामार्फत सुरू होती. या कामाचा आढावा घेण्यासाठी आज पुणे महापौर मंजुषा नागपुरे आणि महानगरपालिका आयुक्त नवल किशोर राम यांनी प्रत्यक्ष घटनास्थळी भेट देऊन पाहणी केली. २७ एप्रिल २०२६ रोजी विशेष भूसंपादन अधिकाऱ्यांनी ४१,००० चौ. मी. क्षेत्राचा निवाडा जाहीर केला होता, ज्यासाठी पुणे महानगरपालिकेने १९७ कोटी रुपये शासनाकडे जमा केले आहेत.
पंधरा दिवसांच्या नोटीस कालावधीनंतर १४ मे पासून प्रत्यक्ष ताबा घेण्याची प्रक्रिया सुरू करण्यात आली. १४ आणि १५ मे या दोन दिवसांत एकूण ४८ मिळकतींमधील सुमारे २५,००० चौ. मी. क्षेत्र महापालिकेच्या ताब्यात आले आहे. विशेष म्हणजे, 'NHAI' मार्फत सुरू असलेल्या कात्रज उड्डाणपुलाच्या उतार कामासाठी आवश्यक असलेली जमीनही आज ताब्यात घेण्यात आली असून पथ विभागाने तातडीने कामाला सुरुवात केली आहे.
या पाहणी दौऱ्याप्रसंगी आमदार योगेश टिळेकर, सभागृह नेते गणेश बिडकर, प्रभाग समिती अध्यक्ष रंजनाताई टिळेकर, नगरसेविका अर्चना जगताप, पुजाताई कदम, अतिरिक्त आयुक्त ओमप्रकाश दिवटे, अधीक्षक अभियंता अजित बांबळे, भूसंपादन अधिकारी श्वेता दारुणकर आणि इतर वरिष्ठ अधिकारी उपस्थित होते. या भूसंपादनामुळे दक्षिण पुण्याचा प्रवास भविष्यात अधिक वेगवान आणि सुसह्य होणार आहे.
Labels: Pune News, PMC, Land Acquisition, Katraj Kondhwa Road, Pune Infrastructure, Manjushatai Nagpure.
Search Description: PMC speeds up land acquisition for Katraj-Kondhwa road. 48 properties seized to clear way for Katraj Flyover. Mayor and Commissioner review progress.
Hashtags: #PuneNews #PMC #KatrajKondhwaRoad #Infrastructure #PuneTraffic #LandAcquisition #Development
Reviewed by ANN news network
on
५/१५/२०२६ ०६:०१:०० PM
Rating:
कोणत्याही टिप्पण्या नाहीत: