देहूरोड सामूहिक बलात्कार प्रकरणातील चारही नराधमांना दुहेरी जन्मठेप; शिवाजीनगर न्यायालयाचा ऐतिहासिक निकाल

 

पुणे/पिंपरी-चिंचवड: पिंपरी-चिंचवड पोलीस आयुक्तालयाच्या हद्दीतील देहूरोड परिसरात २०२१ मध्ये एका तरुणीवर सामूहिक बलात्कार करून तिचे अश्लील व्हिडिओ व्हायरल करण्याची धमकी देणाऱ्या चारही नराधमांना शिवाजीनगर न्यायालयाने 'दुहेरी जन्मठेपेची' कठोर शिक्षा सुनावली आहे. माननीय अतिरिक्त जिल्हा व सत्र न्यायालयाने दिलेला हा निकाल महिलांवरील अत्याचाराच्या गुन्ह्यांमध्ये कायद्याचा मोठा वचक निर्माण करणारा ठरला आहे.

या प्रकरणातील दोषींची नावे खालीलप्रमाणे आहेत: १) नोमान उर्फ अरबाज जावेद खान २) सुलतान उर्फ मुस्ताख सलिम सय्यद ३) रियाज उर्फ मन्नान जावेद खान ४) सोहेल शेरअली पिरजादे

प्रकरणाची पार्श्वभूमी: सन २०२१ मध्ये या चारही आरोपींनी संगनमत करून पीडितेवर वारंवार सामूहिक बलात्कार केला होता. केवळ अत्याचार करून ते थांबले नाहीत, तर या कृत्याचे अश्लील व्हिडिओ तयार करून ते सोशल मीडियावर व्हायरल करण्याची धमकी देत तिला ब्लॅकमेल केले. पीडितेचा शारीरिक आणि मानसिक छळ करण्यासोबतच तिच्या कुटुंबाला जिवे मारण्याची धमकीही देण्यात आली होती. याप्रकरणी देहूरोड पोलीस ठाण्यात भा.दं.वि. कलम ३७६ (ड), ३७७ (अनैसेर्गिक अत्याचार), अनुसूचित जाती-जमाती अत्याचार प्रतिबंधक कायदा (ॲट्रॉसिटी) आणि आयटी ॲक्टनुसार गुन्हा दाखल करण्यात आला होता.

तपास आणि न्यायालयीन प्रक्रिया: तत्कालीन सहाय्यक पोलीस आयुक्त संजय नाईकपाटील यांनी या गुन्ह्याचा सखोल तपास करून न्यायालयात दोषारोपपत्र सादर केले होते. सरकारी पक्षातर्फे अतिरिक्त सरकारी अभियोक्ता पाटील यांनी काम पाहिले. न्यायालयात सादर केलेले वैद्यकीय पुरावे, इलेक्ट्रॉनिक पुरावे आणि साक्षीदारांच्या महत्त्वपूर्ण साक्षींमुळे आरोपींवरील गुन्हा सिद्ध झाला. पिंपरी चिंचवडचे पोलीस आयुक्त विनयकुमार चौबे यांच्या विशेष मार्गदर्शनाखाली सह पोलीस आयुक्त डॉ. शशिकांत महावरकर, अपर पोलीस आयुक्त सारंग आवाड, बसवराज तेली आणि उपायुक्त श्वेता खेडकर यांच्या देखरेखीखाली देहूरोड पोलिसांनी या केसचा यशस्वी पाठपुरावा केला.

वरिष्ठ पोलीस निरीक्षक विक्रम बनसोडे, श्रेणी पोलीस उपनिरीक्षक अमृत निंबाळे, महिला पोलीस हवालदार आशा घाटे आणि पोलीस शिपाई सचिन पुतुरे यांनी साक्षीदार व फिर्यादींशी समन्वय साधून आरोपींना कठोरात कठोर शिक्षा मिळवून देण्यासाठी विशेष प्रयत्न केले. या निकालामुळे पीडितेला खऱ्या अर्थाने न्याय मिळाला आहे.

---

• Labels: Pune News, Pimpri Chinchwad, Dehu Road, Court Verdict, Double Life Imprisonment, Women Safety, Crime News Maharashtra.

• Search Description: Shivajinagar Court sentences four men to double life imprisonment for the 2021 Dehu Road gang rape and blackmailing case.

• Hashtags: #PuneCrime #JusticeServed #CourtVerdict #WomenSafety #PimpriChinchwad #
  DehuRoadCase #LawAndOrder