सहा वर्षांपासून फरार खुनाचा मुख्य आरोपी जेरबंद; खंडणी-खुनाच्या गुन्ह्यात मोठी कारवाई
पुणे : चंदननगर पोलीस ठाण्यात दाखल असलेल्या खून आणि दरोडा प्रकरणातील तब्बल सहा वर्षांपासून फरार असलेल्या मुख्य आरोपीला अखेर पोलिसांनी अटक केली आहे. ही कारवाई 25 एप्रिल 2026 रोजी पहाटे खराडी परिसरात करण्यात आली.
2019 मध्ये दाखल गुन्ह्यात आरोपी तेजस अमृत ढेरे (वय 36, रा. पुणे) याच्यासह एकूण आठ आरोपींनी फिर्यादीकडून मोबाईल, सोन्याची चैन, रोख रक्कम आणि चारचाकी असा सुमारे 3.65 लाखांचा ऐवज लुटला होता. यानंतर फिर्यादीच्या मित्राचे अपहरण करून त्याची हत्या करण्यात आली होती.
या गुन्ह्यात आतापर्यंत सात आरोपींना अटक झाली होती, मात्र मुख्य आरोपी ढेरे हा फरार होता. गुप्त माहितीच्या आधारे पोलिसांनी सापळा रचून त्याला ताब्यात घेतले. त्याच्याकडून एक कार जप्त करण्यात आली असून पुढील तपास सुरू आहे.
---
मोबाईल चोरीचा गुन्हा अवघ्या ४ तासांत उघड; ६६ हजारांचा मुद्देमाल जप्त
पुणे : चंदननगर परिसरात घरफोडीतून चोरीस गेलेले मोबाईल अवघ्या चार तासांत शोधून काढत पोलिसांनी जलद कारवाई केली आहे.
27 एप्रिल 2026 रोजी दाखल झालेल्या गुन्ह्यात एका घरातून सात मोबाईल चोरीस गेले होते. पोलिसांनी तांत्रिक विश्लेषणाच्या आधारे संशयित वेदांत गणेश चव्हाण (वय 19, रा. मांजरी, पुणे) याला ताब्यात घेतले.
चौकशीत त्याने गुन्ह्याची कबुली दिली असून त्याच्याकडून सर्व मोबाईलसह एकूण 66 हजार रुपयांचा मुद्देमाल जप्त करण्यात आला आहे.
---
बंगल्याच्या परिसरात गांजाची शेती; छाप्यात ६ लाखांचा मुद्देमाल जप्त
लोणीकंद : पोलीसांनी गुप्त माहितीच्या आधारे कारवाई करत एका बंगल्याच्या आवारात गांजाची लागवड उघडकीस आणली आहे. ही कारवाई 27 एप्रिल 2026 रोजी करण्यात आली.
आरोपी हर्ष भरत कुमार पांचाळ (वय 30, मूळ गुजरात, सध्या लोणीकंद, पुणे) याने भाड्याने घेतलेल्या बंगल्याच्या परिसरात गांजाची झाडे लावून त्याची विक्री सुरू केली होती.
छाप्यात पोलिसांनी 41 गांजाची झाडे, सुमारे 4.328 किलो गांजा, वाहन आणि मोबाईल फोन असा एकूण 6,07,380 रुपयांचा मुद्देमाल जप्त केला आहे. आरोपीविरोधात गुन्हा दाखल करण्यात आला असून पुढील तपास सुरू आहे.
---
Labels: Pune police, crime report
Search description: Pune police commissionerate area crime report
Hashtags: #Pune#police#crime#report
Reviewed by ANN news network
on
४/२९/२०२६ ०३:११:०० PM
Rating:
कोणत्याही टिप्पण्या नाहीत: