गणेशोत्सवासाठी कोकणात जाणाऱ्या भाविकांसाठी भाजपची मोफत वाहतूक व्यवस्था

भाजपतर्फे ३५० एसटी बस आणि एका विशेष रेल्वेगाडीची सुविधा जाहीर

मुंबई भाजप अध्यक्ष आशिष शेलार यांच्या हस्ते सेवेला हिरवा झेंडा

मुंबई, (प्रतिनिधी): गणेशोत्सवासाठी कोकणात जाणाऱ्या भाविकांसाठी मुंबई भाजपने ३५० एसटी बस आणि एका विशेष रेल्वेगाडीची मोफत सुविधा जाहीर केली आहे. मुंबई भाजप अध्यक्ष आशिष शेलार यांच्या हस्ते आज बांद्रा कुर्ला संकुलातून (बीकेसी) पहिल्या एसटी बसला भगवा झेंडा दाखवून या सेवेचा प्रारंभ करण्यात आला.

बीकेसीमध्ये या गाड्यांच्या नियोजनासाठी एक विशेष नियंत्रण कक्ष उभारण्यात आला आहे. येत्या काळात मुंबईच्या विविध भागांमधून या बसेस सोडल्या जाणार आहेत, अशी माहिती यावेळी श्री. शेलार यांनी दिली. याशिवाय, २५ ऑगस्ट रोजी एक विशेष रेल्वेगाडीदेखील कोकणात रवाना होणार असल्याचे त्यांनी सांगितले.