माजी लेफ्टनंट जनरल विनायक पाटणकर आणि सुदर्शन हसबनीस यांची दादर येथे प्रकट मुलाखतमुंबई, दि. २८ ऑगस्ट (सां. प्रतिनिधी): 'ब्राह्मण सेवा मंडळा'च्या शतकमहोत्सवी गणेशोत्सवाच्या निमित्ताने 'ऑपरेशन सिंदूर: नव्या भारताचा सामर्थ्याविष्कार' या विषयावर एका विशेष प्रकट मुलाखतीचे आयोजन करण्यात आले आहे. या कार्यक्रमात माजी लेफ्टनंट जनरल विनायक पाटणकर (नि.) आणि माजी लेफ्टनंट जनरल सुदर्शन श्रीकांत हसबनीस (नि.) यांच्याशी ज्येष्ठ पत्रकार व लेखक डॉ. उदय निरगुडकर संवाद साधणार आहेत.
हा कार्यक्रम ३० ऑगस्ट रोजी रात्री ८ वाजता ब्राह्मण सेवा मंडळ, भवानी शंकर रोड, दादर (पश्चिम), मुंबई येथे होणार आहे. कार्यक्रम सर्वांसाठी विनामूल्य असून, आयोजकांनी अधिकाधिक नागरिकांनी उपस्थित राहण्याचे आवाहन केले आहे.
माजी लेफ्टनंट जनरल विनायक पाटणकर यांनी भारतीय सेवेत चार दशकांहून अधिक काळ सेवा बजावली असून, ते उत्तम युद्ध सेवा पदक आणि विशिष्ट सेवा पदकने सन्मानित आहेत. तर, माजी लेफ्टनंट जनरल सुदर्शन श्रीकांत हसबनीस हे परम विशिष्ट सेवा पदक आणि विशिष्ट सेवा पदकने सन्मानित असून, त्यांनी कारगिल युद्धात महत्त्वपूर्ण कामगिरी बजावली आहे. या कार्यक्रमातून या दोन्ही मान्यवरांचे अनुभव ऐकण्याची संधी मिळणार आहे.
Mumbai
Interview
Indian Army
Operation Sindoor
Uday Nirgudkar
Public Event
#IndianArmy #OperationSindoor #Mumbai #Ganeshotsav #PublicInterview #IndianDefense
कोणत्याही टिप्पण्या नाहीत:
टिप्पणी पोस्ट करा