महसूल विभागाचा निर्णय; केंद्र सरकारची मान्यता
छत्रपती शिवाजी महाराजांच्या पहिल्या राजधानीला तालुक्याचे नावस्थानिक ग्रामपंचायती आणि जिल्हा परिषदेचा ठराव मंजूर
पुणे, (प्रतिनिधी): पुणे जिल्ह्यातील वेल्हे तालुक्याचे नाव आता 'राजगड' असे करण्याचा निर्णय महसूल विभागाने घेतला आहे. छत्रपती शिवाजी महाराजांची पहिली राजधानी असलेल्या राजगड किल्ल्याच्या पायथ्याशी हा तालुका असल्याने हा निर्णय घेण्यात आला असून, केंद्र सरकारनेही त्याला मान्यता दिली आहे. याबाबतचे राजपत्र लवकरच जारी केले जाणार आहे.
या नामकरण बदलासाठी वेल्हे तालुक्यातल्या ७० पैकी ५८ ग्रामपंचायतींनी आणि पुणे जिल्हा परिषदेने ठराव मंजूर केला होता. स्थानिक जनतेची मागणी लक्षात घेऊन हा महत्त्वपूर्ण निर्णय घेण्यात आला आहे.
यामुळे या तालुक्याला ऐतिहासिक ओळख मिळेल आणि पर्यटन तसेच विकास कामांना अधिक चालना मिळेल अशी अपेक्षा व्यक्त केली जात आहे.
Velhe Taluka
Rajgad
Pune District
Name Change
Maharashtra
#Velhe #Rajgad #Pune #Maharashtra #ShivajiMaharaj #NameChange
कोणत्याही टिप्पण्या नाहीत:
टिप्पणी पोस्ट करा