पुणे, १ ऑगस्ट २०२५: विद्यार्थ्यांच्या मनातील गणिताची भीती दूर करून त्यांना गणिताची गोडी लावण्यासाठी तयार करण्यात आलेल्या ‘अंकनाद – गणित सात्मीकरण प्रणाली’ या उपक्रमाचा आज शुभारंभ झाला. लोकमान्य बाळ गंगाधर टिळक यांच्या पुण्यतिथीचे औचित्य साधून पुण्यातील भावे हायस्कूल (सदाशिव पेठ) येथे हा कार्यक्रम पार पडला. या प्रणालीचा लाभ ८७ शाळांमधील एकूण १२,७५० विद्यार्थ्यांना मिळणार आहे.
उपक्रमाचे उद्दिष्ट आणि सहभागी संस्था
इंडिविश वेलफेअर फाऊंडेशन (मुंबई)
यांच्या पुढाकाराने आणि मॅप एपिक
कम्युनिकेशन्स
प्रा. लि. (पुणे)
यांच्या तांत्रिक सहकार्याने ही प्रणाली विकसित
करण्यात आली आहे. या
अभिनव उपक्रमाचे उद्घाटन महाराष्ट्र एज्युकेशन सोसायटीचे अध्यक्ष
बाबा शिंदे, मॅप
एपिकचे संचालक मंदार नामजोशी, पराग गाडगीळ, इंडिविश वेलफेअर फाऊंडेशनचे संचालक
भूपेंद्र मुजुमदार, अतुल कुलकर्णी, संजय पांडे, शशांक टिपणीस यांच्या उपस्थितीत झाले.
या
उपक्रमात शिक्षण प्रसारक मंडळी,
डेक्कन एज्युकेशन सोसायटी, महाराष्ट्र एज्युकेशन सोसायटी आणि
महर्षी कर्वे स्त्री
शिक्षण संस्था यांच्या शाळांनी सहभाग
घेतला आहे.
या
प्रणाली अंतर्गत, शालेय स्तरावर गणितातील पाढे,
अपूर्णांक, वर्ग इत्यादी संकल्पना विद्यार्थ्यांना संगीतबद्ध पद्धतीने शिकवल्या जातील.
प्रत्येक ५० विद्यार्थ्यांमागे एक
याप्रमाणे २५५ वर्गांमध्ये एमपी-थ्री (MP3) डिव्हाइस वितरित केले जात
आहे. यामुळे विद्यार्थ्यांची गणिताशी मैत्री
होईल आणि त्यांच्या मनातील
भीती दूर होईल,
असा विश्वास आयोजकांनी व्यक्त
केला आहे.
‘अंकनाद’
प्रणालीची रचना आणि फायदे
‘अंकनाद’ ही प्रणाली तीन टप्प्यांमध्ये विभागली आहे:
पहिला टप्पा: एमपी-थ्री (MP3) डिव्हाइसद्वारे विद्यार्थ्यांना श्रवणसंस्कार.
दुसरा टप्पा: मराठी भाषा विभाग, महाराष्ट्र शासन यांच्या सहकार्याने ‘पाढे सात्मीकरण स्पर्धा’.
तिसरा टप्पा: विद्यार्थ्यांना ‘गणीतालय’ पोर्टलचे सदस्यत्व.
‘गणीतालय’ पोर्टलवर १२००
हून अधिक व्हिडिओ, १०००
हून अधिक तज्ज्ञ
मार्गदर्शक आणि गणिताशी संबंधित वेबिनार उपलब्ध
आहेत.
यावेळी
बोलताना बाबा शिंदे म्हणाले की,
"गणिताचा पाया
भक्कम झाल्याने शिक्षणाचा आणि
प्रगतीचा पाया भक्कम होईल."
तर मंदार नामजोशी यांनी
सांगितले की, "९० टक्के विद्यार्थ्यांमध्ये गणिताची भीती
असते, ती दूर
करणारे हे उपकरण
केवळ अध्यापनाचे साधन
नाही, तर विद्यार्थ्यांच्या उजव्या
मेंदूला उद्दीपित करण्याची एक संधी आहे.
या प्रणालीमुळे विद्यार्थ्यांचा सर्वांगीण विकास
साधला जाईल."
Anknad, Ganit Satmikaran Pranali, Pune Education, Lokmanya
Tilak Punyatithi, Math Education, Indivish Welfare Foundation, Map Epic
Communications, Bhave High School, Students Welfare, Maharashtra Education
Society.
#Anknad #MathEducation #PuneSchools #LokmanyaTilak #GanitSatmikaranPranali #StudentWelfare #PuneEducation #IndivishFoundation.
कोणत्याही टिप्पण्‍या नाहीत:
टिप्पणी पोस्ट करा