विक्रमी रक्तदान करत भाजपातर्फे मुख्यमंत्री देवेंद्र फडणवीस यांचा वाढदिवस साजरा; रक्तदानाच्या महायज्ञाला उत्स्फूर्त प्रतिसाद
मुंबई, २२ जुलै २०२५: महाराष्ट्राचे लोकप्रिय मुख्यमंत्री देवेंद्र फडणवीस यांच्या वाढदिवसाचे औचित्य साधत, प्रदेश भारतीय जनता पार्टीतर्फे मंगळवारी राज्यातील पक्षाच्या सर्व मंडलांमध्ये महारक्तदानाचा उपक्रम राबवण्यात आला. या 'रक्तदानाच्या महायज्ञा'ला राज्यभरातील रक्तदात्यांनी उत्स्फूर्त प्रतिसाद देत विक्रमी रक्तसंकलन केले.
एक लाखांहून अधिक बाटल्या रक्त संकलित
प्रदेश भाजपाने पक्षाच्या संघटनात्मक रचनेतील १००० हून अधिक मंडलांमध्ये रक्तदान शिबिरांचे आयोजन केले होते. या शिबिरांमधून एक लाखांहून अधिक बाटल्या रक्त संकलन करण्यात आले, जे सामाजिक बांधिलकीचे एक उत्तम उदाहरण ठरले.
प्रदेशाध्यक्ष रवींद्र चव्हाण यांचे आवाहन
भारतीय जनता पार्टीचे प्रदेशाध्यक्ष रवींद्र चव्हाण यांनी रक्तदान करून मुख्यमंत्री देवेंद्र फडणवीस यांना वाढदिवसाच्या शुभेच्छा देण्याचे आवाहन केले होते. त्यांच्या या आवाहनाला प्रतिसाद देत, 'रक्तदान हेच श्रेष्ठदान' या सामाजिक जाणिवेतून ठिकठिकाणी आयोजित शिबिरांमध्ये रक्तदात्यांनी विक्रमी रक्तदानातून श्री. फडणवीस यांना वाढदिवसाचे अभीष्टचिंतन केले.
सामाजिक कार्यात कार्यकर्त्यांचा सहभाग
मुख्यमंत्र्यांना रक्तदानाच्या माध्यमातून शुभेच्छा देण्यासाठी सर्व कार्यकर्त्यांनी, पदाधिकाऱ्यांनी आणि नेत्यांनी उत्स्फूर्त प्रतिसाद दिला. प्रत्येक मंडलामध्ये किमान १०० रक्तदानाच्या लक्ष्याला साध्य करत, वाढदिवसानिमित्त सर्वजण या सामाजिक कार्यात सहभागी झाले होते.
भाजप प्रदेश कार्यालयातही रक्तदान शिबिर
भाजपा प्रदेश कार्यालयातही रक्तदान शिबिर आयोजित करण्यात आले होते. यावेळी ज्येष्ठ नेते सुनील कर्जतकर, कृपाशंकर सिंह, प्रदेश मुख्यालय प्रभारी रवींद्र अनासपुरे, प्रदेश प्रवक्ते गणेश हाके, ओमप्रकाश चौहान, कार्यालय सचिव मुकुंद कुलकर्णी आदी उपस्थित होते.
BJP, Devendra Fadnavis, Birthday Celebration, Blood Donation Camp, Maharashtra, Ravindra Chavan, Blood Collection, Social Work, Public Health
#DevendraFadnavis #BJP #BloodDonation #Maharashtra #BirthdayCelebration #Raktdaan #SocialWork #PublicHealth #RavindraChavan
Reviewed by ANN news network
on
७/२२/२०२५ ०५:१७:०० PM
Rating:
कोणत्याही टिप्पण्या नाहीत: