पुणे, पिंपरी चिंचवड गुन्हेवृत्त दिनांक ३० जून २०२५

काळेवाडीत न्यायालयाची फसवणूक: बनावट कागदपत्रे सादर करून जामीन मिळवण्याचा प्रयत्न

पिंपरी-चिंचवड: पिंपरी न्यायालयाची फसवणूक केल्याप्रकरणी काळेवाडी पोलीस स्टेशनमध्ये ७ आरोपींविरुद्ध गुन्हा दाखल करण्यात आला आहे. १३ जून २०२५ रोजी सकाळी ११:३० वाजता मा. प्रथमवर्ग न्यायदंडाधिकारी कोर्ट नं.-९, पिंपरी न्यायालय येथे हा प्रकार उघडकीस आला. काळेवाडी पोलीस स्टेशनचे पोलीस उपनिरीक्षक श्री. एन.एम. सुर्यवंशी यांनी या प्रकरणी फिर्याद दिली आहे.

फिर्यादीनुसार, आरोपी (१) प्रभाकर शिवाजी आडे (रा. रहाटणी, पुणे), (२) ओम प्रभाकर आडे (रा. रहाटणी, पुणे), (३) महिला आरोपी (नाव माहीत नाही), (४) उत्तम परशुराम राठोड (रा. आंबेठाण, ता. राजगुरुनगर, खेड, मूळ रा. तारखळस, ता. पूर्णा, जि. परभणी), (५) जीवनदास सुरेंद्र (रा. रहाटणी, पुणे) आणि इतर ०२ अनोळखी आरोपी यांनी संगनमत करून काळेवाडी पोलीस स्टेशन गु. रजि. नं. ३९/२०२५ मधील अटक आरोपी श्रीराम उत्तम राठोड (वय १८) यास गुन्ह्यामध्ये विधीसंघर्षित बालक असल्याचे भासवले.

त्यासाठी, आरोपींनी त्याच्या शाळेच्या मूळ कागदपत्रांमध्ये त्याची जन्मतारीख १५ जानेवारी २००७ ऐवजी १५ जानेवारी २००९ अशी बदलून बनावट कागदपत्रे तयार केली. ही बनावट कागदपत्रे खरी असल्याचे भासवून ती मा. न्यायालयात सादर करून मा. न्यायालयाची फसवणूक केली आहे, जेणेकरून आरोपीला दाखल गुन्ह्यात जामीन मिळू शकेल. आरोपी अद्याप अटक नाहीत.

या प्रकरणी काळेवाडी पोलीस स्टेशनमध्ये २७ जून २०२५ रोजी पहाटे ०१:५१ वाजता गुन्हा क्र. २६९/२०२५ अंतर्गत भारतीय न्याय संहिता कलम ३२३ (२), ३३६ (२), ३३६ (३), ३४० (२), ३ (५) प्रमाणे गुन्हा दाखल करण्यात आला आहे. पोलीस उपनिरीक्षक पोटे   या प्रकरणाचा पुढील तपास करत आहेत.

 Fraud, Court Deception, Kalewadi Police, Pimpri Chinchwad, Forgery, Judicial System. 

 #Kalewadi #CourtFraud #Forgery #PuneCrime #PimpriChinchwadPolice #JudicialSystem

पिंपरीमध्ये पीएमआरडीएमध्ये घर मिळवून देण्याचे आमिष दाखवून ४६ लाखांची फसवणूक

पिंपरी-चिंचवड: पिंपरी, पुणे येथील शेवाळे सेंटर, फ्लॅट नं. ६०१ येथे जुलै २०२४ पासून ते आजतागायत वेळोोवेळी पीएमआरडीए (PMRDA) मध्ये घर मिळवून देण्याचे आमिष दाखवून एका महिलेची ४६ लाखांहून अधिक रकमेची फसवणूक झाल्याचा प्रकार समोर आला आहे. पिंपरी, पुणे येथील ३५ वर्षीय महिला फिर्यादी (धंदा नोकरी) यांनी या प्रकरणी तक्रार दिली आहे.

फिर्यादीनुसार, आरोपी (१) महिला आरोपी (नाव माहीत नाही), (२) उमाकांत रामदास ढाके, (३) शुभम उमाकांत ढाके, (४) महिला आरोपी (नाव माहीत नाही) आणि (५) दिव्याचा होणारा पती (नाव व पत्ता माहीत नाही) या पाच आरोपींनी वारंवार पीएमआरडीए मध्ये लोकांनी न स्वीकारलेली घरे मिळवून देतो, असे सांगून फिर्यादी आणि त्यांच्यासोबतच्या लोकांना एकूण ४६,२९,०००/- रुपये ऑनलाईन व रोख स्वरूपात देण्यास भाग पाडले. फिर्यादी आणि इतर फसवल्या गेलेल्या लोकांचा विश्वास बसावा म्हणून आरोपींनी त्यांना पीएमआरडीए मध्ये कामास असल्याचे भासवले आणि त्यांच्याकडील शासकिय कागदपत्रे दाखवली. तसेच, फिर्यादी आणि इतर लोकांचे बनावट फॉर्म भरून घेऊन त्यांची आर्थिक फसवणूक केली आहे. आरोपी अद्याप अटक नाहीत.

या प्रकरणी पिंपरी पोलीस स्टेशनमध्ये २७ जून २०२५ रोजी दुपारी १५:१८ वाजता गुन्हा क्र. २८६/२०२५ अंतर्गत भारतीय न्याय संहिता कलम ३२३ (२), ३१८ (४), ३३५, ३३८, ३३६ (३), ३ (४) प्रमाणे गुन्हा दाखल करण्यात आला आहे. सहाय्यक पोलीस निरीक्षक लोहार  या प्रकरणाचा पुढील तपास करत आहेत.

Financial Fraud, PMRDA Scam, Pimpri Police, Pimpri Chinchwad, Impersonation, Housing Fraud. 

 #Pimpri #PMRDAScam #FinancialFraud #PuneCrime #PimpriChinchwadPolice #HousingFraud

निगडीमध्ये ऑनलाईन नोकरीच्या नावाखाली २८ लाखांची फसवणूक

पिंपरी-चिंचवड: निगडी, पुणे येथील फ्लॅट नं. बी-२, शर्मा कंपाऊंड, बहार कॉम्प्लेक्स, रोज बिल्डिंग येथे १९ फेब्रुवारी २०२५ पासून ते १५ मे २०२५ दरम्यान ऑनलाईन नोकरीच्या नावाखाली एका व्यक्तीची २८ लाखांहून अधिक रकमेची फसवणूक झाल्याचा प्रकार समोर आला आहे. सुनिल सदाशिव सोळांकुरे (वय ५३, व्यवसाय नोकरी, रा. निगडी, पुणे) यांनी या प्रकरणी फिर्याद दिली आहे.

फिर्यादीनुसार, आरोपी (१) रोहन रॉय चौधरी (मो.नं. ९५२५४०३१३७, ७०५०३१४५०१) आणि (२) माधव कुलकर्णी (मो.नं. ९५२५६०३४२८, ८०५१९६३८८४) यांनी नमूद मोबाईल नंबरवरून फिर्यादीशी संपर्क साधून ९०,००,०००/- (नव्वद लाख) रुपये वार्षिक पॅकेजच्या नोकरीचे आमिष दाखवले. फिर्यादीचा विश्वास संपादन करून वेळोवेळी ऑनलाईन पैशाची मागणी केली. फिर्यादीने पैसे पाठवले असता, त्यांना कोणत्याही प्रकारची नोकरी न देता एकूण २८,३१,७५५/- (अठ्ठावीस लाख एकतीस हजार सातशे पंचावन्न) रुपयांची फसवणूक केली. आरोपी अद्याप अटक नाहीत.

या प्रकरणी निगडी पोलीस स्टेशनमध्ये २७ जून २०२५ रोजी दुपारी १५:४१ वाजता गुन्हा क्र. २१५/२०२५ अंतर्गत भारतीय न्याय संहिता २०२३ चे कलम ३१८ (४) आणि माहिती तंत्रज्ञान अधिनियम २००० चे कलम ६६ (डी) प्रमाणे गुन्हा दाखल करण्यात आला आहे. पोलीस निरीक्षक (गुन्हे) मिसाळ  या प्रकरणाचा पुढील तपास करत आहेत.

Online Job Scam, Financial Fraud, Nigdi Police, Pimpri Chinchwad, Cyber Crime, Impersonation. 

#Nigdi #OnlineJobScam #FinancialFraud #PuneCyberCrime #PimpriChinchwadPolice #FraudAlert

चरौलीमध्ये जेसीबी रस्त्याच्या कडेला घेण्याच्या वादातून मारामारी, डोक्यात दगड मारून गंभीर दुखापत

पिंपरी-चिंचवड: चरौली, पुणे येथील रानजत्रा हॉटेलसमोरील ओढ्याच्या कच्च्या रोडवर २७ जून २०२५ रोजी सायंकाळी १७:१५ वाजताच्या सुमारास जेसीबी रस्त्याच्या कडेला घेण्याच्या वादातून मारामारी झाल्याची घटना घडली आहे. अक्षय नंदु तापकीर (वय २५, व्यवसाय-पिकअप ड्रायव्हर, रा. चरौली, पुणे) यांनी या प्रकरणी फिर्याद दिली आहे.

फिर्यादी त्यांच्या मित्रासोबत त्यांच्या ताब्यातील पिकअपमधून जात असताना, रस्त्यात असलेला जेसीबी रस्त्याच्या कडेला घेण्याच्या कारणावरून आरोपी (१) पंडित खेडकर (रा. चरौली, पुणे), (२) अनुप खेडकर (रा. चरौली, पुणे) आणि त्यांचे सोबत असलेले दोन अनोळखी इसम यांनी फिर्यादीशी वाद घातला. आरोपी क्र. १ आणि त्याचे सोबत असलेले दोन अनोळखी इसम यांनी फिर्यादीला हाताने मारहाण व शिवीगाळ केली. यातील आरोपी क्र. २ अनुप खेडकर याने फिर्यादीच्या डोक्यात दगड घालून त्यांना गंभीर दुखापत केली. आरोपी अद्याप अटक नाहीत.

या प्रकरणी दिघी पोलीस स्टेशनमध्ये २७ जून २०२५ रोजी रात्री २२:३७ वाजता गुन्हा क्र. २७९/२०२५ अंतर्गत भारतीय न्याय संहिता कायदा कलम ३२३ (२), ३२४ (४), ३४१, ३ (४) अन्वये गुन्हा दाखल करण्यात आला आहे. पोलीस उपनिरीक्षक रहाणे या प्रकरणाचा पुढील तपास करत आहेत.

Assault, Road Rage, Charholi Police, Pimpri Chinchwad, Stone Attack, Injury. 

#Charholi #Assault #RoadRage #PuneCrime #PimpriChinchwadPolice #StoneAttack

भोसरीमध्ये पीएमटी बस स्टॉपवर मंगळसूत्र चोरी 

पिंपरी-चिंचवड: भोसरी, पुणे येथील पीएमटी बस स्टॉपवर २८ जून २०२५ रोजी सकाळी १०:३० वाजताच्या सुमारास एका महिलेचे मंगळसूत्र जबरी चोरीला गेल्याची घटना घडली आहे. तानाजी चिंतामणी पारधी (वय ३९, धंदा रिक्षा ड्रायव्हर, रा. दिघी, पुणे) यांनी या प्रकरणी फिर्याद दिली आहे.

फिर्यादीनुसार, पीएमटी बस स्टॉप भोसरी येथील गर्दीचा फायदा घेऊन एका अज्ञात महिला आरोपीने (वय अंदाजे २५ वर्षे, रा. विश्रांतवाडी, पुणे) फिर्यादीच्या आईच्या गळ्यातील ४०,०००/- रुपये किमतीचे ४ ग्रॅम वजनाचे सोन्याचे मंगळसूत्र जबरदस्तीने हिसकावून घेतले आणि तिथून पळून गेली. आरोपी महिला निष्पन्न झाली असून तिला अटक करण्यात आली आहे.

या प्रकरणी भोसरी पोलीस स्टेशनमध्ये २८ जून २०२५ रोजी सायंकाळी १६:२९ वाजता गुन्हा क्र. २४०/२०२५ अंतर्गत भारतीय न्याय संहिता कायदा कलम ३०९ (४) प्रमाणे गुन्हा दाखल करण्यात आला आहे. सहाय्यक पोलीस निरीक्षक टापरे  या प्रकरणाचा पुढील तपास करत आहेत.

 Mangalsutra Theft, Bus Stop Theft, Bhosari Police, Pimpri Chinchwad, Chain Snatching, Gold Jewelry. 

 #Bhosari #MangalsutraTheft #PuneCrime #PimpriChinchwadPolice #ChainSnatching #GoldTheft

बावधनमध्ये बीअरच्या बाटलीने हल्ला, दोघांना गंभीर दुखापत

पिंपरी-चिंचवड: बावधन, पुणे येथील बकाजी कॉर्नर फुटपाथवर, गणपती मंदिराचे जवळ २७ जून २०२५ रोजी सायंकाळी १८:३० वाजताच्या सुमारास जुन्या भांडणाच्या कारणावरून वडील आणि मुलाला गंभीर दुखापत झाल्याची घटना घडली आहे. श्री. अनिल सामिल टोप्पो (वय ४६, धंदा गवंडीकाम, रा. बावधन, पुणे) यांनी या प्रकरणी फिर्याद दिली आहे.

फिर्यादींच्या साडूचा मुलगा विजय एक्के हा शाळेतून घरी येत असताना, आरोपी (१) आर्यन पवार, (२) गणेश पोपट अडागळे, (३) ओंकार राजू तुपे आणि (४) तन्मय ढबाले यांनी पूर्वीच्या भांडणाच्या कारणावरून त्याला शिवीगाळ करून धक्काबुक्की व मारहाण करण्यास सुरुवात केली. फिर्यादी आणि त्यांची मुले विकास व आकाश वाद मिटवण्यासाठी गेले असता, फिर्यादी भांडण सोडवत असताना त्या चौघांनी फिर्यादीला धक्काबुक्की करून हाताने मारहाण केली.

आरोपी क्र. १ आर्यन पवार याने रोडच्या कडेला पडलेली बीअरची फुटलेली बाटली हातात घेऊन फिर्यादीचा मुलगा आकाश टोप्पो याच्या गळ्यावर डाव्या बाजूला मारून त्याला गंभीर जखमी केले. आरोपी क्र. २ गणेश पोपट अडागळे याने फिर्यादीचा दुसरा मुलगा विकास टोप्पो याच्या डोक्यात दगड मारून त्याला जखमी केले. आरोपी अद्याप अटक नाहीत.

या प्रकरणी बावधन पोलीस स्टेशनमध्ये २८ जून २०२५ रोजी पहाटे ०४:५४ वाजता गुन्हा क्र. २७१/२०२५ अंतर्गत भारतीय न्याय संहिता कलम ११८ (२), ११८ (१), ११५ (२), ३५२, ३ (५) प्रमाणे गुन्हा दाखल करण्यात आला आहे. पोलीस उपनिरीक्षक सारंग ठाकरे या प्रकरणाचा पुढील तपास करत आहेत.

Assault, Road Rage, Bawdhan Police, Pimpri Chinchwad, Injury, Public Nuisance. 

 #Bawdhan #Assault #PuneCrime #PimpriChinchwadPolice #RoadRage #Violence

वाकडमध्ये पार्किंगमधील मोटारसायकलला आग लावून ७० हजार रुपयांचे नुकसान

पिंपरी-चिंचवड: थेरगाव, पुणे येथील गल्ली क्र. २, राज शैली इमारत, कन्हैय्या पार्क येथील इमारतीच्या पार्किंगमध्ये २७ जून २०२५ रोजी रात्री २२:०० ते २८ जून २०२५ रोजी पहाटे ०५:०० वाजताच्या दरम्यान मोटारसायकलला आग लावून नुकसान केल्याचा एक प्रकार समोर आला आहे. गौतम मनोज गायकवाड (वय ३०, व्यवसाय नोकरी, रा. थेरगाव, पुणे) यांनी या प्रकरणी फिर्याद दिली आहे.

फिर्यादींच्या इमारतीच्या पार्किंगमध्ये त्यांची हिरो होंडा कंपनीची मोटारसायकल (क्र. एम.एच.१४/बी.ई.०७७६), अवधुत राजाराम ढगे यांची पॅशन प्रो मोटारसायकल (क्र. एम.एच.१४/ई.क्यु. ७०१६), विश्वांबर लक्ष्मण धनलोभे यांची हिरो कंपनीची प्लेझर स्कुटी (क्र. एम.एच.१२/जी.एस.२५०५) आणि रामु बाबु नावंदे यांची बजाज कंपनीची डिस्कव्हर मोटारसायकल (क्र. एम.एच.१२/जे.एच.७५५९) अशा चार मोटारसायकल लॉक व पार्क करून ठेवलेल्या असताना, कोणीतरी अज्ञात इसमाने नुकसान करण्याच्या उद्देशाने मोटारसायकलला आग लावून एकूण ७०,०००/- रुपये किमतीच्या मोटारसायकलचे नुकसान केले आहे. आरोपी अद्याप अज्ञात आहेत.

या प्रकरणी वाकड पोलीस स्टेशनमध्ये २८ जून २०२५ रोजी दुपारी १४:४७ वाजता गुन्हा क्र. ३००/२०२५ अंतर्गत भारतीय न्याय संहिता कलम ३२६ (२), ३२४ (४) प्रमाणे गुन्हा दाखल करण्यात आला आहे. पोलीस उपनिरीक्षक माने या प्रकरणाचा पुढील तपास करत आहेत.

 Arson, Vehicle Damage, Wakad Police, Pimpri Chinchwad, Vandalism, Property Crime. 

#Wakad #Arson #VehicleDamage #PuneCrime #PimpriChinchwadPolice #Vandalism

चाकणमध्ये कत्तलीसाठी जनावरांची अवैध वाहतूक, दोन आरोपी अटकेत

पिंपरी-चिंचवड: खेड तालुक्यातील मौजे रासे फाटा, चाकण-शिक्रापूर रोडवर २८ मे २०२५ रोजी दुपारी १४:३० वाजताच्या सुमारास कत्तलीसाठी जनावरांची अवैध वाहतूक करताना दोन आरोपींना अटक करण्यात आली आहे. चाकण पोलीस स्टेशनमधील पोलीस अंमलदार रमेश नागनाथ कांबळे (बं. २३७७) यांनी ही कारवाई केली.

फिर्यादीनुसार, आरोपी (१) गणेश येडुदास शिंदे (वय ३०, रा. करडा, ता. जामखेड, जि. अहिल्यानगर) आणि (२) शिवाजी रामचंद्र मोरे (वय ५२, रा. सातेफळ, ता. जामखेड, जि. अहिल्यानगर) यांनी त्यांच्या ताब्यातील २,००,०००/- रुपये किमतीच्या पिकअप गाडी (क्र. MH.16/CA.0529) मध्ये २२,४००/- रुपये किमतीचा अंदाजे सफेद काळ्या रंगाचा बैल (वय अंदाजे १० वर्षे, उभे शिंगे असलेला) आणि १८,०००/- रुपये किमतीचा एक सफेद रंगाचा गोऱ्हा (वय अंदाजे १० वर्षे) असे दोन बैल दोरीने करकचून बांधून, चारा-पाण्याची व्यवस्था न करता आणि पिकअप गाडीस जनावरे वाहतुकीचा परवाना नसताना कत्तलीसाठी घेऊन जात असताना मिळून आले. आरोपी अद्याप अटक नाहीत.

या प्रकरणी चाकण पोलीस स्टेशनमध्ये २८ जून २०२५ रोजी रात्री २०:४५ वाजता गुन्हा क्र. ४३२/२०२५ अंतर्गत प्राण्यांचा छळ प्रतिबंधक कायदा कलम ११ (१) (ड), ११ (१) (ई), ११ (१) (एच), महाराष्ट्र प्राणी संरक्षण (सुधारणा) अधिनियम १९९५ चे कलम ११ (१) (४), मोटार वाहन कायदा कलम १९८९ चे कलम १२५ (ई) प्रमाणे गुन्हा दाखल करण्यात आला आहे. पोलीस हवालदार नितीन पवार या प्रकरणाचा पुढील तपास करत आहेत.

Animal Cruelty, Illegal Transport, Chakan Police, Pimpri Chinchwad, Cattle Smuggling, Arrest. 

 #Chakan #AnimalCruelty #IllegalTransport #PuneCrime #PimpriChinchwadPolice #CattleSmuggling

विमानतळ परिसरात घरफोडी: २.२० लाखांचा ऐवज लंपास

पुणे शहर: लोहगाव, पुणे येथील अथर्व बिल्डिंग, मराठा कॉलनी, लेन नं. १०, संत नगर येथे २१ जून २०२५ रोजी रात्री २०:०० ते २२ जून २०२५ रोजी सकाळी ११:३० वाजताच्या दरम्यान घरफोडीचा एक प्रकार समोर आला आहे. लोहगाव, पुणे येथील ३५ वर्षीय पुरुष फिर्यादी यांच्या राहत्या फ्लॅटमध्ये ही चोरी झाली.

फिर्यादींचा राहता फ्लॅट कुलूप लावून बंद असताना, कोणीतरी अज्ञात इसमाने त्यांच्या राहत्या घराचे मुख्य दरवाजाचे कुलूप कशाच्या तरी सहाय्याने उचकटून, त्यावाटे आत प्रवेश करून, बेडरूममधील कपाटातील २५,०००/- रुपये रोख रक्कम व सोन्याचे दागिने आणि इतर ऐवज असा एकूण २,२०,०००/- रुपये किमतीचा ऐवज घरफोडी करून चोरून नेला. आरोपी अद्याप अज्ञात आहेत.

या प्रकरणी विमानतळ पोलीस स्टेशनमध्ये २८ जून २०२५ रोजी गुन्हा क्र. ३०६/२०२५ अंतर्गत भारतीय न्याय संहिता कलम ३०५ (अ), ३३१ (३), ३३१ (४) नुसार गुन्हा दाखल करण्यात आला आहे. पोलीस उपनिरीक्षक राठोड या प्रकरणाचा पुढील तपास करत आहेत.

Burglary, Housebreaking, Airport Police Station, Pune Crime, Gold & Cash Theft, Residential Theft.

#Lohgaon #Burglary #PuneCrime #Housebreaking #GoldTheft #PoliceInvestigation

चंदननगरमध्ये हुंड्यासाठी छळ आणि जीवे मारण्याचा प्रयत्न

पुणे शहर: चंदननगर, पुणे येथील रुणवाल सोसायटी, वाडीया बंगल्याजवळ, कल्याणीनगर आणि ए/३०१, सिलिकॉन बे, वडगावशेरी येथे ऑक्टोबर २०२३ ते २५ जून २०२५ रोजी रात्री २३:३० वाजतापर्यंत हुंड्यासाठी छळ आणि जीवे मारण्याचा प्रयत्न केल्याचा एक गंभीर प्रकार समोर आला आहे. वडगावशेरी, पुणे येथील २४ वर्षीय महिला फिर्यादीने या प्रकरणी तक्रार दिली आहे.

फिर्यादी सासरी नांदत असताना, नमूद आरोपींनी (एकूण सहा इसम, अटक नाही) संगनमत करून हुंड्यासाठी त्यांचा छळ केला. घरातील किरकोळ कारणावरून फिर्यादीस शिवीगाळ व मारहाण करून त्यांना मानसिक त्रास दिला. तसेच, त्यांचा गळा दाबून जीवे ठार मारण्याचा प्रयत्न केला. आरोपी अद्याप अटक नाहीत.

या प्रकरणी चंदननगर पोलीस स्टेशनमध्ये २८ जून २०२५ रोजी गुन्हा क्र. २४१/२०२५ अंतर्गत भारतीय न्याय संहिता कलम ८५, १०९, ११५ (२), १३१, ३५१ (२), ३५२, ३२४ (२), ३ (५) नुसार गुन्हा दाखल करण्यात आला आहे. पोलीस निरीक्षक (गुन्हे) श्रीमती स्वाती खेडकर या प्रकरणाचा पुढील तपास करत आहेत.

Dowry Harassment, Attempted Murder, Chandannagar Police, Pune Crime, Domestic Violence, Cruelty. 

#Chandannagar #DowryHarassment #AttemptedMurder #PuneCrime #DomesticViolence #PoliceInvestigation

पर्वतीमध्ये ऑनलाईन फसवणूक: कॉपर स्क्रॅपच्या नावाखाली ४८ लाखांचा गंडा

पुणे शहर: पर्वती, पुणे येथे ऑनलाईन माध्यमाद्वारे कॉपर स्क्रॅपच्या नावाखाली ४८ लाखांहून अधिक रकमेची फसवणूक झाल्याचा प्रकार समोर आला आहे. २२ एप्रिल २०२५ ते २७ मे २०२५ दरम्यान ही घटना घडली. पर्वती, पुणे येथील ३० वर्षीय पुरुष फिर्यादी यांनी या प्रकरणी तक्रार दिली आहे.

फिर्यादीनुसार, नमूद आरोपींनी (मोबाईल धारक व मेल धारक, अटक नाही) फिर्यादीला २५ टन कॉपर स्क्रॅप देण्याचे आश्वासन दिले. त्याबाबत बनावट कागदपत्रे तयार करून ती फिर्यादीला पाठवली. ऑनलाईन व्यवहार करून त्या व्यवहारापोटी फिर्यादीकडून नमूद रक्कम घेऊन त्यांना कोणताही माल न देता फिर्यादीची ४८,७२,०००/- रुपयांची आर्थिक फसवणूक केली. आरोपी अद्याप अटक नाहीत.

या प्रकरणी पर्वती पोलीस स्टेशनमध्ये २८ जून २०२५ रोजी गुन्हा क्र. २०२/२०२५ अंतर्गत भारतीय न्याय संहिता कलम ३१८ (४), ३३६ (३), ३४० (२), माहिती तंत्रज्ञान अधिनियम कलम ६६ (डी) नुसार गुन्हा दाखल करण्यात आला आहे. वरिष्ठ पोलीस निरीक्षक श्री. गायकवाड  या प्रकरणाचा पुढील तपास करत आहेत.

Online Fraud, Cyber Crime, Financial Fraud, Parvati Police, Pune Crime, Copper Scrap Scam. 

 #Parvati #OnlineFraud #CyberCrime #PuneCrime #FinancialScam #CopperScrapScam

बंडगार्डनमध्ये बस प्रवासात ६० हजार रुपयांची सोन्याची बांगडी लांबवली

पुणे शहर: बंडगार्डन, पुणे येथील पुणे रेल्वे स्टेशन डॉ. आंबेडकर पुतळा येथून पुणे म.न.पा. येथे वारजेमाळवाडी बसने जात असताना २६ जून २०२५ रोजी दुपारी १६:२० वाजताच्या सुमारास एका महिलेची सोन्याची बांगडी चोरीला गेल्याची घटना घडली आहे. धानोरी, पुणे येथील ५१ वर्षीय महिला फिर्यादीने या प्रकरणी तक्रार दिली आहे.

फिर्यादींची आई पीएमपीएमएल बसने प्रवास करत असताना, सदर बस प्रवासादरम्यान कोणीतरी अज्ञात व्यक्तीने, बसमधील गर्दीचा फायदा घेऊन, फिर्यादीच्या आईच्या हातातील ६०,०००/- रुपये किमतीची सोन्याची बांगडी चोरी करून नेली. आरोपी अद्याप अज्ञात आहेत.

या प्रकरणी बंडगार्डन पोलीस स्टेशनमध्ये २८ जून २०२५ रोजी गुन्हा क्र. २००/२०२५ अंतर्गत भारतीय न्याय संहिता कलम ३०३ (२) नुसार गुन्हा दाखल करण्यात आला आहे. सहाय्यक पोलीस निरीक्षक खोसे या प्रकरणाचा पुढील तपास करत आहेत.

Jewelry Theft, Bus Theft, Bundgarden Police, Pune Crime, Pickpocketing, Public Transport Safety. 

#Bundgarden #JewelryTheft #PuneCrime #BusTheft #Pickpocket #PublicTransport

केशवनगरमध्ये महिलेच्या गळ्यातील सोनसाखळी चोरली

पुणे शहर: मुंढवा, पुणे येथील द हॅग आऊट बार अॅण्ड रेस्टॉरंटच्या समोर, ओल्ड ऑर्बिस स्कुलच्या जवळ, केशवनगर येथे २६ जून २०२५ रोजी रात्री २०:०० वाजताच्या सुमारास पायी चालणाऱ्या एका महिलेच्या गळ्यातील सोन्याची चैन जबरी चोरीला गेल्याची घटना घडली आहे. केशवनगर, पुणे येथील ३९ वर्षीय महिला फिर्यादीने या प्रकरणी तक्रार दिली आहे.

फिर्यादी पायी जात असताना, मोटारसायकलवरील नमूद अनोळखी इसमांनी दुचाकीवरून त्यांच्या जवळ येऊन, फिर्यादीच्या गळ्यातील ८०,०००/- रुपये किमतीची सोन्याची चैन जबरी चोरी करून नेली. आरोपी अद्याप अज्ञात आहेत.

या प्रकरणी मुंढवा पोलीस स्टेशनमध्ये २८ जून २०२५ रोजी गुन्हा क्र. १८४/२०२५ अंतर्गत भारतीय न्याय संहिता कलम ३०४, ३ (५) नुसार गुन्हा दाखल करण्यात आला आहे. सहाय्यक पोलीस निरीक्षक राजू महानोर या प्रकरणाचा पुढील तपास करत आहेत.

Chain Snatching, Robbery, Mundhwa Police, Pune Crime, Gold Jewelry, Public Safety. 

 #Mundhwa #ChainSnatching #PuneCrime #Robbery #GoldTheft #PoliceInvestigation

कोंढव्यामध्ये पायी चालणाऱ्या व्यक्तीचा १० हजार रुपयांचा मोबाईल हिसकावला

पुणे शहर: कोंढवा बुद्रुक, पुणे येथील गोकुळनगर चौक येथे २७ जून २०२५ रोजी रात्री ०१:०० वाजताच्या सुमारास पायी चालणाऱ्या एका व्यक्तीचा मोबाईल जबरी चोरीला गेल्याची घटना घडली आहे. कात्रज कोंढवा रोड, पुणे येथील १९ वर्षीय पुरुष फिर्यादी यांनी या प्रकरणी तक्रार दिली आहे.

फिर्यादी नमूद ठिकाणाहून पायी जात असताना, नमूद इसमांनी दुचाकीवरून त्यांच्या पाठीमागून जवळ येऊन, फिर्यादीच्या हातातील १०,०००/- रुपये किमतीचा मोबाईल जबरी चोरी करून नेला. आरोपी अद्याप अज्ञात आहेत.

या प्रकरणी कोंढवा पोलीस स्टेशनमध्ये २८ जून २०२५ रोजी गुन्हा क्र. ५११/२०२५ अंतर्गत भारतीय न्याय संहिता कलम ३०४ (२), ३ (५) नुसार गुन्हा दाखल करण्यात आला आहे. पोलीस उपनिरीक्षक रविंद्र गावडे या प्रकरणाचा पुढील तपास करत आहेत.

Mobile Theft, Robbery, Kondhwa Police, Pune Crime, Snatching, Public Safety. 

#Kondhwa #MobileTheft #PuneCrime #Robbery #Snatching #PoliceInvestigation

बंडगार्डनमध्ये पैशाच्या वादातून चाकूने हल्ला, खुनाचा प्रयत्न

पुणे शहर: बंडगार्डन, पुणे येथील पुणे रेल्वे स्टेशन जवळील पार्सल ऑफिसच्या शेजारील रिक्षा स्टँड येथे २७ जून २०२५ रोजी रात्री २०:०० वाजताच्या सुमारास पैशाच्या वादातून एका व्यक्तीवर चाकूने हल्ला करून खुनाचा प्रयत्न केल्याची घटना घडली आहे. पुणे स्टेशन येथील ३० वर्षीय पुरुष फिर्यादी यांनी या प्रकरणी तक्रार दिली आहे.

फिर्यादींनी नमूद इसमाला हातउसने दिलेले पैसे मागितल्याने त्याचा नमूद इसमाला राग आला. दोघांमध्ये किरकोळ वाद होऊन नमूद इसमाने त्याच्या जवळील धारदार हत्याराने फिर्यादीच्या पोटावर मारून जखमी केले आणि त्यांना जीवे मारण्याचा प्रयत्न केला. आरोपी अद्याप अज्ञात आहेत.

या प्रकरणी बंडगार्डन पोलीस स्टेशनमध्ये २९ जून २०२५ रोजी गुन्हा क्र. २०३/२०२५ अंतर्गत भारतीय न्याय संहिता कलम १०९ नुसार गुन्हा दाखल करण्यात आला आहे. पोलीस उपनिरीक्षक स्वप्नील लोहार या प्रकरणाचा पुढील तपास करत आहेत.

Attempted Murder, Assault, Bundgarden Police, Pune Crime, Knife Attack, Money Dispute. 

#Bundgarden #AttemptedMurder #PuneCrime #KnifeAttack #MoneyDispute #PoliceInvestigation

खराडीमध्ये ६० हजार रुपयांची सोनसाखळी हिसकावली

पुणे शहर: खराडी, पुणे येथील न्याती मॉल समोर २७ जून २०२५ रोजी रात्री २३:३० ते २३:५५ वाजताच्या सुमारास एका महिलेच्या सोन्याच्या चैनची जबरी चोरी झाल्याची घटना घडली आहे. खराडी, पुणे येथील ३० वर्षीय महिला फिर्यादीने या प्रकरणी तक्रार दिली आहे.

फिर्यादी आणि त्यांची मैत्रीण दुचाकीवरून जात असताना, नमूद इसमांनी दुचाकीवरून त्यांच्या जवळ येऊन, फिर्यादीच्या गळ्यातील ६०,०००/- रुपये किमतीची सोन्याची चैन हिसकावून जबरी चोरी करून नेली. आरोपी अद्याप अज्ञात आहेत.

या प्रकरणी खराडी पोलीस स्टेशनमध्ये २९ जून २०२५ रोजी गुन्हा क्र. १२२/२०२५ अंतर्गत भारतीय न्याय संहिता कलम ३०९ (४), ३ (५) नुसार गुन्हा दाखल करण्यात आला आहे. पोलीस उपनिरीक्षक कोळपे  या प्रकरणाचा पुढील तपास करत आहेत.

Chain Snatching, Robbery, Kharadi Police, Pune Crime, Gold Jewelry, Public Safety. 

#Kharadi #ChainSnatching #PuneCrime #Robbery #GoldTheft #PoliceInvestigation

हडपसरमध्ये दिवसाढवळ्या घरफोडी: ४.२५ लाखांचे सोने-चांदीचे दागिने लंपास

पुणे शहर: हडपसर, पुणे येथील स.नं. २०१, दुसरा मजला, मुक्ताई बिल्डिंग, साधू नाना वस्ती, साडेसतरानळी येथे २७ जून २०२५ रोजी सकाळी १०:०० ते दुपारी १६:०० वाजताच्या सुमारास घरफोडीचा एक प्रकार समोर आला आहे. हडपसर, पुणे येथील ३९ वर्षीय महिला फिर्यादीने या प्रकरणी तक्रार दिली आहे.

फिर्यादींचा राहता फ्लॅट कुलूप लावून बंद असताना, कोणीतरी अज्ञात इसमाने त्यांच्या राहत्या फ्लॅटचे मुख्य दरवाजाचे कुलूप कशाच्या तरी सहाय्याने उचकटून, त्यावाटे आत प्रवेश करून, बेडरूममधील कपाटातील ४,२५,५५०/- रुपये किमतीचे सोने-चांदीचे दागिने घरफोडी करून चोरून नेले. आरोपी अद्याप अज्ञात आहेत.

या प्रकरणी हडपसर पोलीस स्टेशनमध्ये २९ जून २०२५ रोजी गुन्हा क्र. ६१३/२०२५ अंतर्गत भारतीय न्याय संहिता कलम ३३१ (३), ३०५ नुसार गुन्हा दाखल करण्यात आला आहे. पोलीस उपनिरीक्षक हसन मुलाणी या प्रकरणाचा पुढील तपास करत आहेत.

Burglary, Housebreaking, Hadapsar Police, Pune Crime, Gold & Silver Theft, Residential Theft. 

#Hadapsar #Burglary #PuneCrime #Housebreaking #JewelryTheft #PoliceInvestigation

येरवडा येथे जुन्या भांडणातून मारामारी, हत्याराने हल्ला

पुणे शहर: येरवडा, पुणे येथील गुंजन चौक येथे २७ जून २०२५ रोजी दुपारी १३:३० वाजताच्या सुमारास जुन्या भांडणाच्या कारणावरून मारामारी झाल्याची घटना घडली आहे. येरवडा, पुणे येथील २२ वर्षीय पुरुष फिर्यादी यांनी या प्रकरणी तक्रार दिली आहे.

फिर्यादी पायी जात असताना, आरोपी (१) अजय युवराज कसबे (वय २५, रा. येरवडा, पुणे) आणि तीन अनोळखी इसमांनी जुन्या भांडणाच्या कारणावरून फिर्यादीला लाथा-बुक्क्यांनी मारहाण केली. तसेच, त्यांच्याजवळील हत्याराने फिर्यादीच्या हातावर व पायावर मारून जखमी केले आणि सदर भागात दहशत निर्माण केली. आरोपी अजय युवराज कसबे याला अटक करण्यात आली आहे.

या प्रकरणी येरवडा पोलीस स्टेशनमध्ये २९ जून २०२५ रोजी गुन्हा क्र. ४३६/२०२५ अंतर्गत भारतीय न्याय संहिता कलम ११८ (२), ३ (५), आर्म अॅक्ट कलम ४ (२५), क्रिमिनल लॉ अमेंडमेंट अॅक्ट कलम ३ (७) नुसार गुन्हा दाखल करण्यात आला आहे. पोलीस उपनिरीक्षक केकान या प्रकरणाचा पुढील तपास करत आहेत.

 Assault, Old Dispute, Yerawada Police, Pune Crime, Weapon Attack, Public Nuisance. 

#Yerawada #Assault #PuneCrime #WeaponAttack #OldDispute #PoliceInvestigation

लोणीकाळभोरमध्ये घरफोडी: १.२८ लाखांचा ऐवज लंपास

पुणे शहर: लोणीकाळभोर, पुणे येथील माळीमळा येथे २३ जून २०२५ ते २७ जून २०२५ रोजी सकाळी ०६:०० वाजताच्या सुमारास घरफोडीचा एक प्रकार समोर आला आहे. लोणीकाळभोर, पुणे येथील २९ वर्षीय पुरुष फिर्यादी यांच्या राहत्या घरात ही चोरी झाली.

फिर्यादींचे राहते घर कुलूप लावून बंद असताना, कोणीतरी अज्ञात इसमाने त्यांच्या राहत्या घराचे मुख्य दरवाजाचे कुलूप कशाच्या तरी सहाय्याने उचकटून, त्यावाटे आत प्रवेश करून, बेडरूममधील कपाटातील १०,०००/- रुपये रोख रक्कम तसेच सोन्याचे दागिने व एल.सी.डी. टी.व्ही. असा एकूण १,२८,०००/- रुपये किमतीचा ऐवज घरफोडी करून चोरून नेला. आरोपी अद्याप अज्ञात आहेत.

या प्रकरणी लोणीकाळभोर पोलीस स्टेशनमध्ये २९ जून २०२५ रोजी गुन्हा क्र. २९३/२०२५ अंतर्गत भारतीय न्याय संहिता कलम ३३१ (३) (४), ३०५, ३ (५) नुसार गुन्हा दाखल करण्यात आला आहे. पोलीस उपनिरीक्षक अनिल जाधव  या प्रकरणाचा पुढील तपास करत आहेत.

Burglary, Housebreaking, Loni Kalbhor Police, Pune Crime, Gold & Cash Theft, Residential Theft. 

 #LoniKalbhor #Burglary #PuneCrime #Housebreaking #GoldTheft #PoliceInvestigation

सिंहगड रोडवर दुकानाची तोडफोड आणि वाहनांच्या काचा फोडून दहशत

पुणे शहर: सिंहगड रोड, पुणे येथील मोहीते पॅराडाईज, मॅकडोनाल्ड जवळ, अनलिमीटेड (व्ही मार्ट) वडगाव बुद्रुक येथे २८ जून २०२५ रोजी दुपारी १४:४० वाजताच्या सुमारास दुकानाची तोडफोड करून आणि वाहनांच्या काचा फोडून दहशत निर्माण केल्याची घटना घडली आहे. एरंडवणा, पुणे येथील २९ वर्षीय पुरुष फिर्यादी (धंदा सिक्युरिटी गार्ड) यांनी या प्रकरणी तक्रार दिली आहे.

फिर्यादी नमूद ठिकाणी सिक्युरिटी गार्डचे काम करत असताना, नमूद इसमांनी त्यांच्या हातातील धारदार हत्याराने दुकानाच्या काचेच्या दरवाजावर मारून दरवाजाचे नुकसान केले. तसेच, सदर भागात दहशत निर्माण केली. याशिवाय, सदर ठिकाणी रोडवर पार्क केलेल्या १५ ते २० फोर व्हिलर गाड्यांच्या काचा फोडून नुकसान केले. आरोपी अद्याप अटक नाहीत.

या प्रकरणी सिंहगड रोड पोलीस स्टेशनमध्ये २९ जून २०२५ रोजी गुन्हा क्र. ३२२/२०२५ अंतर्गत भारतीय न्याय संहिता कलम १८९ (२), १९०, १९१ (२) (३), १३१, ३५१ (२), ३२४ (२), महाराष्ट्र पोलीस कायदा कलम ३७ (१), १३५, आर्म्स अॅक्ट कलम ४, २५, क्रिमिनल लॉ अमेंडमेंट अॅक्ट कलम ३ (७) नुसार गुन्हा दाखल करण्यात आला आहे. सहाय्यक पोलीस निरीक्षक आर. आर. आडगळे या प्रकरणाचा पुढील तपास करत आहेत.

Vandalism, Property Damage, Sinhagad Road Police, Pune Crime, Public Nuisance, Weapon Attack. 

#SinhagadRoad #Vandalism #PuneCrime #PropertyDamage #PoliceInvestigation #PublicNuisance

वडकी नाला येथे घरकाम करणाऱ्यांनी ४.९० लाखांची सोनसाखळी चोरली

पुणे शहर: वडकी नाला, ता. हवेली, जि. पुणे येथे २७ जून २०२५ रोजी सकाळी ०९:०० ते २८ जून २०२५ रोजी सकाळी ०९:०० वाजताच्या सुमारास घरकाम करणाऱ्यांकडून सोन्याची चैन चोरीला गेल्याची घटना घडली आहे. वडकी नाला, पुणे येथील ६३ वर्षीय पुरुष फिर्यादी यांनी या प्रकरणी तक्रार दिली आहे.

फिर्यादींच्या घरी घरकाम करणाऱ्या नमूद दोन अनोळखी इसमांनी (अटक नाही) फिर्यादीच्या संमतीशिवाय आणि लबाडीच्या इराद्याने त्यांच्या घरातील टेबलच्या ड्राव्हरमध्ये ठेवलेली ४,९०,४८३/- रुपये किमतीची सोन्याची चैन चोरी करून नेली. आरोपी अद्याप अटक नाहीत.

या प्रकरणी फुरसुंगी पोलीस स्टेशनमध्ये २९ जून २०२५ रोजी गुन्हा क्र. १८९/२०२५ अंतर्गत भारतीय न्याय संहिता कलम ३०६ (५) नुसार गुन्हा दाखल करण्यात आला आहे. पोलीस उपनिरीक्षक निवृत्ती माने  या प्रकरणाचा पुढील तपास करत आहेत.

Theft, Domestic Theft, Fursungi Police, Pune Crime, Gold Chain, Housekeeping Crime. 

#Fursungi #Theft #GoldChain #PuneCrime #DomesticTheft #PoliceInvestigation

पायी चालणाऱ्या महिलेची पर्स हिसकावून ७० हजार रुपयांचा ऐवज चोरी

पुणे शहर: विश्रामबाग, पुणे येथील कावरे कोल्ड्रींक्स ते राम मंदिर, तुळशीबाग, बुधवार पेठ येथे २८ जून २०२५ रोजी दुपारी १२:०० वाजताच्या सुमारास पायी चालणाऱ्या एका महिलेची पर्स हिसकावून चोरी झाल्याची घटना घडली आहे. उंड्री, पुणे येथील ४९ वर्षीय महिला फिर्यादीने या प्रकरणी तक्रार दिली आहे.

फिर्यादी पायी जात असताना, नमूद इसमांनी त्यांच्या जवळ येऊन, फिर्यादीच्या जवळील पर्स हिसकावून नेली. पर्समध्ये १०,०००/- रुपये रोख रक्कम व सोन्याचे दागिने असा एकूण ७०,०००/- रुपये किमतीचा ऐवज चोरी करून नेला. आरोपी अद्याप अज्ञात आहेत.

या प्रकरणी विश्रामबाग पोलीस स्टेशनमध्ये २९ जून २०२५ रोजी गुन्हा क्र. १५५/२०२५ अंतर्गत भारतीय न्याय संहिता कलम ३०३ (२) नुसार गुन्हा दाखल करण्यात आला आहे. पोलीस अंमलदार सुरवसे  या प्रकरणाचा पुढील तपास करत आहेत.

Robbery, Purse Snatching, Vishrambag Police, Pune Crime, Gold & Cash Theft, Public Safety

  #Vishrambag #PurseSnatching #PuneCrime #Robbery #GoldTheft #PoliceInvestigation